Դիեգո Կոստան կարող է վերադառնալ Լա Լիգա
Սպորտ«Ատլետիկոյի» և «Չելսիի» նախկին հարձակվող Դիեգո Կոստան կարող է պայմանագիր կնքել «Վալենսիայի» հետ։ Այս մասին հաղորդում է մարզական լրագրող Էկրեմ Կոնուրը։ Նվում է, որ ֆուտբոլիստը մինչև այս մրցաշրջանի ավարտը նախատեսված պայմանագիր կկնքի։
Ավելի վաղ «Սալերնիտանայի» ղեկավարությունը հրաժարվել էր ֆուտբոլիստի հետ հետագա բանակցություններից։ Ակումբում վստահ չեն եղել, որ 33-ամյա ֆուտբոլիստը լավ մարզավիճակում է ու մոտիվացված է։
Կոստայի վերջին ակումբը եղել է «Ատլետիկո Մինեյրոն», որի կազմում նա հանդես է եկել 2021-ի օգոստոսից մինչև 2022-ի հունվար։ Այդ ընթացքում նա թիմի հետ հաղթել է Բրազիլիայի առաջնությունն ու Գավաթը։ 19 խաղում նա դարձել է 5 գոլի և 1 գոլային փոխանցման հեղինակ։
Մինչև 2021-ի հունվար իսպանացի հարձակվողը ելույթ է ունեցել Մադրիդի «Ատլետիկոյի» կազմում։ Ավելի վաղ նա հանդես է եկել նաև «Չելսիի», «Ռայո Վալյեկանոյի», «Վալյադոլիդի», «Ալբասետեի», «Սելտայի», «Բրագայի» և «Պենաֆիելի» կազմերում։
1
2
3
4
5
1
2
3
4
5
2
3
4
5
