Օբամեյանգն էմոցիոնալ հրաժեշտ է տվել Արսենալի երկրպագուներին
ՍպորտԳաբոնցի հարձակվող Պյեր-Էմերիկ Օբամեյանգը հրաժեշտ է տվել «Արսենալի» երկրպագուներին.
«Շնորհակալ եմ, որ Լոնդոնն ինձ ու իմ ընտանիքի համար տուն դարձրեցիք վերջին 4 տարվա ընթացքում: Մենք միասին շատ վերելքներ ու վայրէջքներ ենք ունեցել, և ձեր աջակցությունն ամեն ինչ էր ինձ համար: Այս ակումբի համար տիտղոսներ նվաճելն ու թիմի ավագը լինելն այն է, ինչը ես միշտ կպահեմ իմ սրտում:
Ես միշտ 100 տոկոսով կենտրոնացած եմ եղել նրա վրա, որ իմ ուժերի ներածին չափով անեմ ամեն բան այս ակումբի համար, այդ իսկ պատճառով առանց իրական հրաժեշտի բաժանվելը ցավալի է, բայց այսպիսին է ֆուտբոլը:
Ցավում եմ, որ վերջին մի քանի շաբաթների ընթացքում չկարողացա օգնել թիմակիցներիս, բայց ես բացի հարգանքից որևէ այլ բան չեմ տածում այս ակումբի հանդեպ և ի սրտե տղաներին ու բոլոր երկրպագուներին լավագույնն եմ մաղթում»,- գրել է Օբամեյանգը Instagram-ի իր էջում:
Ավելի վաղ հայտնի էր դարձել, որ «Արսենալն» ու Օբամեյանգը երկկողմ համաձայնությամբ խզել են պայմանագիրը: Հետևաբար, ֆուտբոլիստն ազատ խաղացողի կարգավիճակով կմիանա «Բարսելոնային»: Նշվում է, որ Օբամեյանգն արդեն անցել է անհրաժեշտ բոլոր բժշկական թեստերը:
1
2
3
4
5
1
2
3
4
5
2
3
4
5
