Ռոման Աբրամովիչը վաճառում է «Չելսի»-ն. հասույթը կուղղվի Ուկրաինայում ռազմական գործողություններից տուժածներին
Սպորտ«Չելսի» ֆուտբոլային ակումբի պաշտոնական կայքում հայտնվել է Ռոման Աբրամովիչի հայտարարությունը, որում նա նշել է, որ վաճառում է ֆուտբոլային ակումբը։
«Ինչպես ավելի վաղ ասել եմ, իմ որոշումները մշտապես բխում են ակումբի շահերից: Այժմ ես որոշել եմ վաճառել ակումբը, քանի որ կարծում եմ, որ դա բխում է ակումբի, երկրպագուների, աշխատակիցների, հովանավորների և գործընկերների շահերից»,- ասվում է հայտարարության մեջ։
Աբրամովիչը խնդրել է իր թիմին ստեղծել Ուկրաինայում հակամարտությունից տուժածներին օգնության բարեգործական հիմնադրամ, որին էլ կփոխանցվի վաճառքի ամբողջ հասույթը։
Նշենք, որ գործարքը գնահատվում է 4 մլրդ դոլար։
Աբրամովիչը նաև նշել է, որ «Չելսի»-ն իր համար երբեք բիզնես չի համարվել, և, բաժանվելով ակումբից, չի պահանջի նախկինում տրված վարկերի մարումը։
Հիշեցնենք, որ փետրվարի 24-ի առավոտյան ՌԴ նախագահ Վլադիմիր Պուտինը հայտարարել էր Ուկրաինայի ապառազմականացման համար հատուկ ռազմական գործողություն սկսելու մասին։
Հեռուստաուղերձում նա ասել էր, որ հանգամանքները «մեզնից պահանջում են վճռական և անհապաղ գործողություններ, Դոնբասի ժողովրդական հանրապետությունները օգնության խնդրանքով դիմել են Ռուսաստանին»։
Ռուսաստանի ղեկավարի խոսքով, արյունահեղության ողջ պատասխանատվությունը կլինի Ուկրաինայում իշխող ռեժիմի խղճի վրա։ Նա ուկրաինացի զինվորականներին կոչ է արել չկատարել ուկրաինական իշխանությունների հանցավոր հրամանները, վայր դնել զենքերն ու գնալ տուն։
1
2
3
4
5
1
2
3
4
5
2
3
4
5
