Քանի դեռ Ռուսաստանը շեղված է այլ ուղղությամբ, Ադրբեջանը նախապատրաստում է սեփական «ռազմական գործողությունը». քաղաքագետ

tsargrad.tv–ն գրում է, որ քաղաքական խորհրդատու, արևելագետ Իգոր Դիմիտրիևը այն կարծիքին է, որ Ադրբեջանը պատրաստում է սեփական «ռազմական գործողությունը»։ Նա որոշել է օգտագործել այն պահը, երբ Ռուսաստանը շեղված է Ուկրաինայի ապառազմականացման և դենացիֆիկացման հատուկ գործողությամբ։

Դիմիտրիևը իր հեռագրային ալիքում գրել է «ռազմական գործողության» հնարավոր մեկնարկի մասին, որը նախապատրաստում է Ադրբեջանը։ Քաղաքագետը վկայակոչել է տարբեր աղբյուրներից ձեռք բերված տեղեկությունները: Ըստ դրանց՝ ադրբեջանական զինտեխնիկան Ղարաբաղից և Նախիջևանից արդեն տեղափոխվել է Հայաստանի սահմաններ։

«Ռազմական գործողության» նպատակը, ամենայն հավանականությամբ, Սյունիքի միջանցքը ճեղքելն է։ Հաշվարկն այն է, որ Ռուսաստանը Հայաստանի համար ժամանակ չունի, իսկ Ադրբեջանը կփորձի հակամարտության մակարդակը չբարձրացնել այնպիսի մակարդակի, որ Ռուսաստանը լիովին խառնվի գործին»,- ենթադրել է փորձագետը։

Նա նաև հավելել է, որ եթե Ռուսաստանը աջակցի Հայաստանին այդ իրավիճակում, ապա Թուրքիայի հետ հարաբերությունները կվատթարանան։ Իսկ դա իր հերթին կբերի տնտեսական դժվարությունների, քանի որ Մոսկվան մտադիր է Անկարայի օգնությամբ շրջանցել արևմտյան պատժամիջոցները։ Բաց է մնում միայն մեկ հարց. Իրանը ինչպե՞ս կվերաբերվի այդ ամենին։

Նյութը հրապարակման պատրաստեց Կամո Խաչիկյանը