Պատվաստումային զբոսաշրջության մեծ պահանջարկի անակընկալը

naekvatoremsk.ru-ն գրում է, որ չնայած պատերազմին, ռուսները շարունակում են պատվաստումային շրջագայությունների մեծ պահանջարկ ցուցադրել։ Պարադոքսալ է, բայց մարտին արտասահմանյան պատվաստումային տուրերի պահանջարկը զգալիորեն աճել է: Այդ մասին հայտնել է Russian Express-ը։

Ռուսաստանի տուրօպերատորների ասոցիացիան (ATOR) հրապարակել է պատվաստումային շրջագայությունների պահանջարկի պատճառների վերլուծությունը։

Ներկայումս Ռուսաստանից կազմակերպվում են շրջագայություններ դեպի 4 արտասահմանյան երկրներ ԱՀԿ-ի կողմից հավանության արժանացած պատվաստանյութերով պատվաստվելու համար: Դրանք են Թուրքիան, Հունաստանը, Սերբիան և Հայաստանը։

Նշվում է, որ մարտին պատվաստումային շրջագայությունների պահանջարկի աճը պայմանավորված է այն մարդկանց երկրորդ չափաբաժինը ստանալու պահանջով, ովքեր նախկինում ստացել են պատվաստանյութի առաջին չափաբաժինը արտերկրում: Բացի դա նրանք, ովքեր վախենում են, որ պատերազմի հետ կապված իրավիճակը ապագայում կվատթարանա, պատվիրում են պատվաստմային շրջագայություններ պատվաստանյութի երկրորդ չափաբաժինը ստանալու համար: Արտերկրում պատվաստվել ցանկացողները նախընտրում են տուրօպերատորների կազմակերպած պատվաստումային շրջագայությունները, որպեսզի ռիսկի չդիմեն։

Ինչպես հայտնել է Russian Express-ը, որը պատվաստումային շրջագայություններ է կազմակերպում դեպի 4 երկրներ, այդ թվում՝ Թուրքիա, պատվաստումային շրջագայությունների համար դիմող զբոսաշրջիկների մեծամասնությունը նախընտրում է Biontek պատվաստանյութը։

Ռուսների շրջանում դեռևս պահանջված են պատվաստումային շրջագայությունները դեպի Թուրքիա։ Դա բացատրվում է այն փաստով, որ դա ավելի էժան է, քան այլ երկրներ այցելելը, որն էլ ազդում է Թուրքիային նախապատվության տալու վրա։ Դեպի Սերբիա պատվաստումային շրջագայությունների ամրագրումները կայուն են ընթանում: Օրեցօր աճում է Հայաստանի նկատմամբ պահանջարկը. դրա պատճառն այն է, որ այդ երկիր պատվաստումային տուրերն ավելի էժան են, քան դեպի Թուրքիա։ Ռուսաստանից պատվաստումային տուրերի ամենաթանկ ուղղությունը Հունաստանն է։ Ինչպես նշել է Russian Express-ը, այդ երկիր պատվաստումային շրջագայության արժեքը տատանվում է 46000-ից 164000 ռուբլու սահմաններում: Դեպի Թուրքիա շրջագայության արժեքը 45960 ռուբլի է։

Նյութը հրապարակման պատրաստեց Կամո Խաչիկյանը