Ռիելթորները հայտարարել են Վրաստանում և Հայաստանում վարձավճարների թանկացման մասին կապված պահանջարկի աճի հետ

iz.ru-ն գրում է, որ Վրաստանում կամ Հայաստանում բնակարան վարձելն այժմ հեշտ չէ. մեծ թվով այցելուներ վարձակալել են այն բնակարանները, որոնք ամենահամարժեք են գին-որակ հարաբերակցության առումով։ Այս մասին «Известия»-ին  հայտնել է Dombook հարթակի կառավարիչ գործընկեր, BEST-Novostroy-ի տնօրենների խորհրդի նախագահ Իրինա Դոբրոխոտովան։

Վրաստանի Թբիլիսի և Բաթումի քաղաքներում մեկ սենյականոց բնակարանի մեկ ամսով վարձակալությունն այժմ սկսվում է 150 դոլարից։ Կախված գտնվելու վայրից, տան որակից, վերանորոգման առկայությունից գինը կարող է հասնել մինչև 500 դոլար։ Այնուամենայնիվ, Վրաստանում շատ տանտերեր վերանայել են վարձակալության պայմանները հօգուտ օրավարձի։ Ընդհանուր առմամբ, անշարժ գույքի շուկան բավականին խառնաշփոթ վիճակում է, ամենատարածվածը ծանոթի միջոցով բնակարանների վարձույթն է, ասել է Դոբրոխոտովան։ Նա նշել է, որ տեղական թերթերում կան գովազդներ, սակայն պետք է հաշվի առնել, որ այնտեղ արժեքը նշված է տեղական արժույթով՝ լարիով, մինչդեռ սեփականատերերը նախընտրում են վճարը ստանալ դոլարով։

«Հայաստանում իրավիճակը և գնային քաղաքականությունը ընդհանուր առմամբ նույնն է ինչ Վրաստանում»,- ասել է մասնագետը։

Ուզբեկստանի մայրաքաղաք Տաշքենդում կարելի է բնակարան վարձել ամսական միջինը 400-550 դոլարով, «Իզվեստիային» ասել է «Էտաժի» դաշնային ընկերության բնակելի անշարժ գույքի վարձակալության բաժնի տնօրեն Օլգա Պավլինովան։

Միևնույն ժամանակ նա ընդգծել է, որ Ուզբեկստանի մայրաքաղաքի վարձակալության շուկայում գների աճը բավականին հեռուն գնացող երևույթ է, և իրենք այդ մասին ավելի շատ լսումն են, քան կա դա իրականում։ «Իրականում որոշ սեփականատերեր բարձրացրել են գները, և զգալիորեն, բայց դրանք միայն մի քանիսն են, և այս գները դժվար թե մրցակցեն բնակարանների ավելի մատչելի տարբերակների հետ: Նման սեփականատերերը վտանգում են միայն դատարկ տեսնել իրենց բնակարանները, և ավելին կորցնել գինը բարձրացնելով: Պարապուրդից ամեն ամիս այդ սեփականատերերը կորցնում են իրենց պոտենցիալ տարեկան եկամտի մոտ 8-9%-ը », - ասել է նա:

Ըստ Պավլինովայի, շուկայական արժեքներից բարձր վարձակալության գների սովորաբար անհիմն բարձրացումը արագորեն կարգավորվում է նման օբյեկտների վարձակալության պահանջարկի բացակայության պատճառով:

Նյութը հրապարակման պատրաստեց Կամո Խաչիկյանը