Նորվեգիայից կրած ամենախոշոր պարտությունից հետո ՀՖՖ-ն, մարզչական շտաբը և ֆուտբոլիստները հանդես են եկել հայտարարությամբ
ՍպորտՀայաստանի ֆուտբոլի ֆեդերացիան Նորվեգիայից կրած` պատմության մեջ ամենախոշոր հաշվով պարտություն հետ հայտարարություն է տարածել:
Հաղորդագրության մեջ մասնավորապես ասված է. «Հարգելի երկրպագուներ,
Այսօր Հայաստանի ազգային հավաքականը ցավոտ պարտություն կրեց Նորվեգիայի ընտրանու դեմ խաղում:
Չնայած հանդիպումը ընկերական բնույթ էր կրում, այդուհանդերձ, այս պարտությանը չկա ոչ մի արդարացում:
Վստահեցնում ենք ձեզ, որ շատ կարճ ժամանակահատվածում միասին կվերլուծենք տեղի ունեցածը, կանենք համապատասխան հետևություններ, և Հայաստանի ազգային հավաքականն արդեն հունիսին՝ Ազգերի Լիգայի խաղարկության մեկնարկին, կրկին կներկայանա մարտական տեսքով:
Ունենք մեկ նպատակ՝ հայտնվել Եվրո-2024-ի եզրափակիչ փուլում: Այդ նպատակին հասնելու համար ՀՖՖ-ն, հավաքականի ֆուտբոլիստները և մարզչական շտաբը կներդնեն առավելագույն ջանքերը:
Ներողություն ենք խնդրում բոլոր երկրպագուներից այս արդյունքի համար: Մենք միշտ եղել ենք միասնական ինչպես հաղթանակներից, այնպես էլ պարտություններից հետո:
Հուսով ենք, որ մոտ ապագայում Հայաստանի ազգային հավաքականն իր խաղով կրկին ուրախություն կպարգևի մեր ընտրանու բազմահազար երկրպագուներին»:
Նորվեգիա-Հայաստան հանդիպումն ավարտվել էր 9:0 հաշվով:
1
2
3
4
5
1
2
3
4
5
2
3
4
5
