Կենսաբանը հերքել է կորոնավիրուսի օմիկրոն շտամի անվտանգության մասին համոզմունքը
Հասարակություն
Lenta.ru-ն գրում է, որ կորոնավիրուսի օմիկրոն շտամը հնարավոր չէ համարել անվտանգ համեմատած մյուս տարբերակների հետ, քանի որ օմիկրոնով հիվանդության ծանրության նվազումը կապված է պատվաստումների միջոցով բնակչության կողմից իմունիտետ ձեռք բերելու կամ բնական, այսինքն վարակի միջոցով իմունիտետ ձեռք բերելու հետ, բայց ոչ վիրուսի հատկություններով։ Lenta.ru-ի հետ զրույցում օմիկրոնով պայմանավորված վարակի թեթևության մասին համոզմունքը նման կերպ է հերքել կենսաբանական գիտությունների դոկտոր, Ջորջ Մեյսոնի համալսարանի (Վիրջինիա, ԱՄՆ) համակարգերի կենսաբանության դպրոցի պրոֆեսոր Անչա Բարանովան։ «Կոպիտ ասած, հիվանդության ծանրության նվազման 30 տոկոսը կարելի է բացատրել վիրուսի հատկություններով, իսկ մնացած 70 տոկոսը նրանով, որ մարդիկ իմունիտետ են ձեռք բերել», - բացատրել է նա: Բարանովայի խոսքով ծանր հետևանքները, այդ թվում մահացությունը, կորոնավիրուսով վարակվելուց հետո մեկ տարվա ընթացքում դեռ բարձր են համեմատած նախկին միջին ցուցանիշների հետ: Հաճախ մահը տեղի է ունենում ինսուլտներից, թրոմբոզներից և քրոնիկ հիվանդությունների սրացումներից, ինչը, ըստ կենսաբանի, կապված է կորոնավիրուսի հետ, ներառյալ օմիկրոն տարբերակի:
Նյութը հրապարակման պատրաստեց Կամո Խաչիկյանը
1
2
3
4
5
1
2
4
5
1
2
3
4
5
