Իմունոլոգ Կրյուչկովը թվարկել է «սթելս-oմիկրոն» COVID-ի շտամով վարակի ռիսկի խմբերը

Ufanotes.ru-ն գրում է, որ հայտնի է դարձել, թե որ քաղաքացիներն են առավել ընկալունակ «սթելս-oմիկրոն» COVID-ի շտամով վարակվելու համար։ Դրանց թվում են քրոնիկական հիվանդություններ ունեցող մարդիկ, փոքր երեխաները և 40 տարեկանից բարձր մեծահասակները։ Այդ մասին պատմել է իմունոլոգ Նիկոլայ Կրյուչկովը URA.RU-ին տված հարցազրույցում: Մասնագետի կարծիքով ռիսկերն ավելանում են 40 տարեկանից, սակայն առավել ցայտունը տարիքը 60 տարեկանից մեծն է։ «Երեխաները ևս շատ ռիսկեր ունեն, այդ վարակը նրանց համար ամենավտանգավորն է։ 3-ից 5 տարեկան հասակում ռիսկերն ավելանում են, դեռահասների մոտ հիվանդության ծանր ընթացքը չնչին տոկոսն է կազմում: Կա ևս մեկ մեծ խումբ, որն է ցանկացած տարիքի լուրջ քրոնիկական հիվանդություններ ունեցող մարդիկ»,- ասել է իմունոլոգ Նիկոլայ Կրյուչկովը։ Փորձագետի կարծիքով այս խմբերի ներկայացուցիչների շրջանում, բացառությամբ երեխաների, պետք է պահպանվի պաշտպանվածության շատ բարձր մակարդակ։ Նա բացատրել է, որ համաճարակի ալիքների գագաթնակետին մահացությունների թիվը «սթելս-oմիկրոն»-ից կարող է մեծ լինել՝ չնայած նրա ցածր ախտածնությանը։ Անգլիայի Առողջապահության ազգային ծառայությունն նշել է այդ շտամի երկու հիմնական ախտանիշ՝ գլխապտույտ և հոգնածություն:

Նյութը հրապարակման պատրաստեց Կամո Խաչիկյանը