Օր 46. Հատուկ գործողություններ Ուկրաինայում

Մեծ Բրիտանիան Ուկրաինային կտրամադրի 120 զրահամեքենա և հականավային համակարգեր, ԱՄՀ-ի միջոցով կտրամադրի ևս 500 միլիոն դոլարի վարկի երաշխիքներ, Կիև կատարած այցից հետո հայտարարել է Մեծ Բրիտանիայի վարչապետ Բորիս Ջոնսոնը։
Ջոնսոնն ասել է, որ շարունակելու է շաբաթ առ շաբաթ ուժեղացնել Ռուսաստանի դեմ պատժամիջոցները։
***

Ռուսաստանը չի հանդուրժի Ուկրաինայում խաղաղ բնակիչների սպանությունը, գերի ընկած ռուս զինվորների խոշտանգումները։ ԱՄՆ-ը և նրա դաշնակիցները պետք է կոչ անեն Կիևին հարգել միջազգային մարդասիրական իրավունքը. ԱՄՆ-ում Ռուսաստանի դեսպան Անատոլի Անտոնով։
***

ԱՄՆ-ն ընդլայնել է Ռուսաստան և Բելառուս արտահանման սահմանափակումները։ Ցանկը ներառում է հարյուրավոր տարբեր տեսակի ապրանքներ։
***

Բայդենը ստորագրել է Ռուսաստանի Դաշնության և Բելառուսի հետ նորմալ առևտրային հարաբերությունները դադարեցնելու, ինչպես նաև Ռուսաստանից էներգակիրների ներմուծումն արգելելու մասին օրինագծերը։
***

S&P Global Ratings-ը իջեցրել է Ռուսաստանի երկարաժամկետ սուվերեն վարկային վարկանիշը արտարժույթով «CC»-ից «SD»-ի։
***

Ուկրաինայում հակամարտությունը կլուծվի ռազմական ճանապարհով, հայտարարել է Եվրամիության գլխավոր դիվանագետ Բորելը:
***

Վարշավայում բարեգործական միջոցառման մասնակիցները 9,1 միլիարդ եվրո օգնություն են հավաքել ուկրաինացի փախստականների և ներքին տեղահանվածների համար: Այս մասին շաբաթ օրը հայտարարել է Եվրահանձնաժողովի ղեկավար Ուրսուլա ֆոն դեր Լայենը։

Ինչպես նշվում է Եվրահանձնաժողովի հայտարարության մեջ, այս գումարից 1 մլրդ եվրոն հատկացրել է Եվրոպական հանձնաժողովը։ «Բացի դրանից, Վերակառուցման և զարգացման եվրոպական բանկը հայտարարել 1 միլիարդ եվրոյի լրացուցիչ վարկ տրամադրելու մասին՝ տեղահանված մարդկանց կարիքները հոգալու համար», – ասվում է փաստաթղթում:

Ուկրաինայից փախստականներին օգնելու ակցիան նախաձեռնել են Եվրահանձնաժողովը և Կանադայի կառավարությունը։ Դա տեղի է ունեցել ուրբաթ օրը սոցիալական ցանցերով. օգտատերերին խնդրել են կոչ անել իրենց երկրների կառավարություններին, կազմակերպություններին և կորպորացիաներին՝ միջոցներ նվիրաբերել Ուկրաինային և այս երկրից փախստականներին մարդասիրական օգնության տրամադրման համար: Շաբաթ օրը Վարշավայում անցկացվել է համագումար՝ ամփոփելով դրամահավաքի արդյունքները։

Ուկրաինայից հարևան երկրներ են մեկնել ավելի քան 3,2 միլիոն մարդ, որից 2,6 միլիոնը՝ Լեհաստան։

***

ԵՄ արտաքին գործերի և անվտանգության քաղաքականության գերագույն ներկայացուցիչ Ժոզեպ Բորելը Ուկրաինայում իրավիճակի ռազմական լուծման մասին խոսելուց հետո պետք է անհապաղ պաշտոնանկ արվի Եվրամիության երկրների կողմից, ՏԱՍՍ-ի փոխանցմամբ՝ հայտարարել է Պետդումայի խոսնակ Վյաչեսլավ Վոլոդինը:

«Բորելը պետք է անհապաղ պաշտոնանկ արվի Եվրամիության երկրների կողմից։ Նրա պարտքն է խնդրի լուծումը գտնել դիվանագիտական ճանապարհով»,- գրել է Դումայի նախագահը իր Telegram ալիքում։

Վոլոդինի խոսքով՝ բոլորին ի սկզբանե հասկանալի էր, թե ինչ դեր է հատկացնում Վաշինգտոնն ու Բրյուսելը։

Ավելին՝ այստեղ