8 ադրբեջանցիներ

Վահրամ ԱԹԱՆԵՍՅԱՆ, «ՀՐԱՊԱՐԱԿ»

Եվրոպայի խորհրդի խորհրդարանական վեհաժողովի գրասենյակ է ուղարկվել 58 ադրբեջանցի իրավավապաշտպանի, լրագրողի, հասարակական գործչի ստորագրությամբ հանրագիր: Նրանք պահանջում են ԵԽԽՎ-ում ձայնի իրավունքից զրկել, ապա եւ կառույցից հեռացնել Ադրբեջանին: (http://haqqin.az/news/90695)Գոյության ամբողջ ընթացքում Ալիեւի ռեժիմը նման հարված դեռ չէր ստացել: Հանրագիրն ստորագրողների շարքում են իրավաբան Ինթիգամ Ալիեւը, իրավապաշտպան Ռասուլ Ջաֆարովը, լրագրողներ Խադիջա Իսմայլովան, Գանիմեթ Զահիդը, Մեհման Ալիեւը, Ավազ Զեյնալլին, փաստաբան եւԽալիդա Բագիրովան, քաղաքագետ Արաստուն Օրուջլին:

Իշխանությունների շահերն արտահայտող՝ այսպես կոչված ՀԿ -ների խորհրդի ներկայացուցիչ Նիյամեդդին Օրդուխանլին արդեն հասցրել է ասել, որ հանրագիրը ոչ միայն վնասում է Ադրբեջանի պետական շահերին, այլեւ կարող է ԵԽԽՎ-ում Հայաստանի պատվիրակության ձեռքին Ադրբեջանի դեմ գործիք դառնալ: Պետք է սպասել, որ հանրագրի հեղինակները կմեղադրվեն Հայաստանի հատուկ ծառայությունների հետ համագործակցության մեջ:

Մինչ այդ haqqin.az-ն արդեն գրել է, որ հայտնի են դարձել իշխանության ներկայացուցիչների եւ ընդդիմադիր մամուլի միջեւ գաղտնի համագործակցության փաստեր: Կասկածի սլաքներն ուղղված են Ադրբեջանի ժողովրդական ճակատ կուսակցության «Ազադլիգ» պաշտոնաթերթի գլխավոր խմբագիր Գանիմեթ Զահիդի դեմ, որը քաղաքական վտարանդու կարգավիճակով ներկայումս բնակվում է Փարիզում: Ըստ լուրերի, նա ստացել է 160 000 դոլար՝ խոստանալով թերթի հրապարակումներում չքննադատել Ալիեւի ռեժիմի որոշ ներկայացուցիչների:

Բայց ԵԽԽՎ-ին ուղղված հանրագրի կարեւորությունը հատկապես ընդգծվում է այսպես կոչված Բաքվի խաղաղության պլատֆորմի շուրջ Ադրբեջանի պետական քարոզչության ֆոնին: Խոսքն այն մասին է, որ մի ռեժիմ, որը խոսքի իրավունքից զրկում է քաղաքացիներին, արգելափակում քաղաքական այլակարծությունը, մարդկանց զրկում նույնիսկ երկրի ներսում ազատ տեղաշարժի իրավունքից, չի կարող հանդես գալ որպես խաղաղության, բարիդրացիության ջատագով:58 ադրբեջանցի գորխիչներ փաստացի հեղափոխություն են նախաձեռնել: Պետք է արժանին մատուցել նրանց քաղաքացիական խիզախությանը, մանավանդ այն մարդկանց, որ ապրում եւ գործում են Բաքվում: Ինչպես, ասենք, «Թուրան» գործակալության տնօրեն Մեհման Ալիեւը...