Իրանը ԱՄՆ-ին կոչ է արել հրաժարվել «պատժամիջոցային խելահեղությունից»
Աշխարհ
Իրանի արտաքին գործերի նախարար Հոսեյն Ամիր Աբդոլլահիանը հաստատել է, որ Թեհրանը հանդես է գալիս արդյունքների վրա հիմնված բանակցությունների օգտին՝ 2015 թվականի միջուկային համաձայնագիրը վերակենդանացնելու համար՝ կոչ անելով ԱՄՆ-ին դադարեցնել պատժամիջոցների խելահեղ քաղաքականությունը, հաղորդում է Tasnim-ը։
«Իրանը չի հեռանա արդյունքի վրա հիմնված բանակցություններից»,- Twitter-ի իր էջում գրել է Իրանի արտգործնախարարը։
Նա նշել է, որ Իրանը շարունակում է բանակցությունները եւ «ԱՄՆ-ին կոչ է անում իրատես լինել եւ հրաժարվել պատժամիջոցային խելահեղությունից, իսկ ԱԷՄԳ-ին՝ քաղաքականացված մոտեցման փոխարեն կենտրոնանալ տեխնիկական պարտականությունների վրա»։
«Մենք ԵՐԲԵՔ չենք վարանի պատժամիջոցները չեզոքացնելու հարցում»,- հավելել է Իրանի արտգործնախարարը։
Ավելի վաղ ԱՄՆ ֆինանսների նախարարությունը նոր պատժամիջոցներ էր սահմանել իրանական ընկերությունների ցանցի դեմ, որոնք օգնում են երկրի նավթաքիմիական արտադրանքի արտահանմանը։
ԱՄՆ վարչակազմը՝ նախկին նախագահ Դոնալդ Թրամփի գլխավորությամբ, 2018 թվականի մայիսին միակողմանիորեն դուրս եկավ Գործողությունների համատեղ համապարփակ ծրագրից (ԳՀՀԾ) եւ Իրանի վրա «առավելագույն ճնշման» արշավ սկսեց։
2021 թվականի ապրիլից Ավստրիայի մայրաքաղաքում բանակցությունների մի քանի փուլ է անցել Իրանի եւ ԳՀՀԾ-ի մնացած հինգ անդամների՝ Բրիտանիայի, Ֆրանսիայի, Գերմանիայի, Չինաստանի եւ Ռուսաստանի միջեւ՝ ԱՄՆ-ին Իրանի գործարքին վերադարձնելու նպատակով:
1
2
3
4
5
1
2
4
5
2
