Չինաստանը ռեկորդային քանակի նավթ է գնել Ռուսաստանից. պատճառը մեծ զեղչերն են

Ռուսական նավթի ներմուծումը Չինաստան այս տարվա մայիսին տարեկան կտրվածքով աճել է 55%-ով, իսկ ապրիլի համեմատ՝ մոտ մեկ քառորդով։ Անցած ամսվա վերջին հումքի մատակարարումների ցուցանիշը հասել է ռեկորդային մակարդակի, հայտնում է Reuters-ը՝ վկայակոչելով Չինաստանի մաքսային տվյալները։

Տվյալները, որոնք ցույց են տալիս, որ Ռուսաստանը 19 ամսվա ընդմիջումից հետո վերականգնել է աշխարհի խոշորագույն նավթ ներկրողին՝ Չինաստանին, նավթի մատակարարի առաջատար դիրքը, ցույց են տալիս, որ Մոսկվան ի վիճակի է գնորդներ գտնել իր նավթի համար՝ չնայած արևմտյան պատժամիջոցներին, թեև ստիպված է եղել նվազեցնել գները։ 

Արդյունքում, Ռուսաստանը Չինաստանին հումքի մատակարարման ծավալներով առաջ է անցել Սաուդյան Արաբիայից։ Սաուդյան Արաբիան դարձել է ռուսական նավթի երկրորդ խոշոր ներկրողը։ Մայիսի արդյունքներով, մատակարարումների ծավալն անցյալ տարվա մայիսի համեմատ աճել է 9%-ով և կազմել 7,82 մլն տոննա կամ օրական 1,84 մլն բարել։

Reuters-ը նշում է, որ Ռուսաստանից արտահանման աճի հիմնական պատճառը նավթի մեծ զեղչերն են։ Մասնավորապես, չինական Sinopec և Zhenhua Oil պետական ընկերությունները վառելիքը գնում են զեղչով։

Փետրվարին «Ռոսնեֆտը» համաձայնագիր է կնքել Չինաստանի նավթի և գազի ազգային կորպորացիայի հետ տասը տարվա ընթացքում Ղազախստանի տարածքով 100 միլիոն տոննա նավթի մատակարարման վերաբերյալ։