«Ռոմայի» նախկին մարզիչը գլխավորեց «Լիլը»
Սպորտ
Պորտուգալացի Պաուլու Ֆոնսեկան գլխավորեց «Լիլը», հաղորդում է ֆրանսիական ակումբի մամուլի ծառայությունը։ Պայմանագիրը նախատեսված է մինչեւ 2024թ․ հունիս։ Ֆոնսեկայի մարզչական շտաբում ընդգրկվել են օգնական Տիագու Լեալը, ֆիզպատրաստության մարզիչ Պաուլու Մուրաուն, դարպասապահների մարզիչ Անտոնիու Ֆերեյրան եւ մարզիչ Խորխե Մասիելը, որը «Լիլում» է աշխատում 2019 թվականից։
2021թ․ հունիսին իտալական «Ռոմայից» հեռացած Ֆոնսեկան մեկ տարի առանց մարզչական աշխատանքի էր։
2019-ին «Ռոման» գլխավորելուց առաջ Ֆոնսեկան 3 տարի աշխատել էր Դոնեցկի «Շախտյորում»՝ դառնալով Ուկրաինայի եռակի չեմպիոն եւ գավաթակիր։
«Լիլը» հունիսի 16-ին հեռացրել էր ֆրանսիացի Ժոսլեն Գուրվենեկին, որի ղեկավարությամբ թիմը Ֆրանսիայի առաջնությունում գրավեց 10-րդ տեղը։ Նախանցած մրցաշրջանում «Լիլը» նվաճել էր Ֆրանսիայի չեմպիոնի տիտղոսը։
1
2
3
4
5
1
2
3
4
5
2
3
4
5
