Արևային էներգիայի վաճառքի հեռանկարները

Elitetrader.ru-ն գրում է, որ Մերիլենդի (ԱՄՆ) Sunnova ընկերությունը կառավարության աջակցությամբ սկսել է «Մատչելի էլեկտրաէներգիայի» նախագիծը, որի նպատակն է ներգրավել այն սպառողներին, ովքեր ձգտում են կրճատել էլեկտրաէներգիայի աճող ծախսերը:

Պաշտոնապես առաջարկն ուղղված է այն տնային տնտեսություններին, որոնց եկամուտը թույլ չի տալիս անմիջապես գնել և տեղադրել արդեն պատրաստի արևային էներգիայի համակարգեր։ Սակայն իրականում նոր ծառայության համար կարող են դիմել տարածաշրջանի այն բոլոր տնային տնտեսությունները, որոնց եկամուտը կազմում է տարեկան մինչև 97,5 հազար դոլար, իսկ դա  շատ մեծ լսարան է։

Sunnova-ն գործընկերության պայմանագիր է կնքել Green բանկի հետ և այդպիսով հասանելի է դարձրել անհրաժեշտ ֆինանսական գործիքները:

Sunnova-ն այժմ կարող է տնային տնտեսություններին տրամադրել երկու տարբերակ ավելի էժան արևային էներգիա ստանալու համար:

Առաջինը ենթադրում է 25 տարվա զեղչային սակագնով գնման գործարք: Երկրորդը բաժանորդագրությունն է, որն, ըստ էության, կոմունալ ցանցի էլեկտրաէներգիայի ներկայիս գնից զեղչի բաժանորդագրությունն է։

Նոր մոտեցումը Sunnova-ին թույլ կտա ոչ միայն ներգրավել այն հաճախորդներին, ովքեր տարբեր պատճառներով չեն գնել արևային մարտկոցներ, այլ նաև բաժանորդագրությունից ստանալ կայուն դրամական հոսքեր արևային նոր նախագծեր ֆինանսավորելու համար:

Sunnova-ն փորձում է օգտագործել այն բարենպաստ իրավիճակը, որն առաջացել է մի քանի գործոնների միավորումից. դրանք են՝ հանածո վառելիքից կախվածությունը նվազեցնելու ԱՄՆ-ի կառավարության մտադրությունը, վառելիքի գների աճը, էլեկտրաէներգիայի կենտրոնացված մատակարարումների խափանումները և այլն։

Հայաստանում արևային պանելներ արտադրող առաջին և միակ ընկերությունը Սոլարոնն է։
Տեղադրե՛ք SolarOn արևային կայան և զրոյացրեք էլեկտրաէներգիայի ծախսը:
Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորության և արժեքի վերաբերյալ։
Զանգահարեք`  87-57, (010) 44-00-55
էլ. փոստ`  [email protected]