G20-ի արտգործնախարարները հրաժարվել են համատեղ լուսանկարվելուց Լավրովի պատճառով

G20-ի երկրների արտգործնախարարների գագաթնաժողովը մնացել է առանց ավանդական համատեղ լուսանկարահանումների, հայտնում է ՏԱՍՍ-ը՝ ճապոնական Kyodo գործակալությանը հղումով։ Նրա խոսքով՝ նման որոշումը կարող էր ընդունվել Ռուսաստանի նկատմամբ միջոցառման մի շարք մասնակիցների դիրքորոշման պատճառով, այդ թվում՝ Պետդեպարտամենտի ղեկավար Էնթոնի Բլինկենը։

G20-ի արտգործնախարարների հանդիպումն այս անգամ տեղի է ունենում Բալի կղզում հուլիսի 7-ից 8-ը։ Միջոցառման շրջանակում արևմտյան պետությունների, մասնավորապես՝ ԱՄՆ-ի և Եվրամիության ներկայացուցիչները ակտիվորեն փորձում են «անտեսել» ՌԴ ԱԳ նախարար Սերգեյ Լավրովի գլխավորած ռուսական պատվիրակության ներկայությունը։ Նմանատիպ իրավիճակը կապված է Արևմուտքի՝ Ուկրաինայում Ռուսաստանի Դաշնության հատուկ ռազմական գործողության դատապարտման հետ։

Ավելի վաղ հաղորդվել էր, որ ԱՄՆ պետքարտուղար Էնթոնի Բլինկենը մտադիր չէ մասնակցել Ինդոնեզիայում G20-ի շրջանակում մյուս մասնակից երկրների ԱԳ նախարարների հետ պաշտոնական խմբակային լուսանկարմանը՝ ՌԴ ԱԳ նախարար Սերգեյ Լավրովի ներկայության պատճառով, հայտնում է CNN-ը՝ վկայակոչելով աղբյուրներ։

«Շաբաթներ շարունակ Միացյալ Նահանգները և G7-ի նրա դաշնակիցները, որոնք նաև G20-ի անդամներ են, քննարկում են, թե ինչպես արձագանքել Լավրովի ներկայությանը Բալիում աշխարհի խոշորագույն 20 տնտեսությունների նախարարների հանդիպումներին»,- հաղորդում է հեռուստաալիքը՝ վկայակոչելով ամերիկյան և եվրոպական աղբյուրները։