Թրամփի անսպասելի քայլը
Աշխարհ
ԱՄՆ նորընտիր նախագահ Դոնալդ Թրամփը աշխարհին զարմացնելու և զայրացնելու բազմաթիվ առիթներ ունեցավ: Բայց դրանցից մեկը հատկապես անսպասելի էր: Նրա հենց առաջին աշխատանքային շաբաթվա ընթացքում Սպիտակ Տան պաշտոնական կայքից անհետացավ ԼԳԲՏ իրավունքներին վերաբերող բաժինը: Սա շատ լուրջ ահազանգ էր ամերիկացիներին, ովքեր ժողովրդավարության և ազատությունների մասին իրենց պատկերացումները այլև չեն կարողանում պատկերացնել առանց սեռական փոքրամասնությունների իրավունքների ցցուն դրսևորումների:
Սակայն Թրամփը կարծես թե չի պատրաստվում սահմանափակվել այդքանով: Հիմա էլ նա հայտարարել է, որ ինքը դեմ է նույնասեռ ամուսնություններին, դրանք չարիք են ու տեղ չունեն Ամերիկայում: Եթե ասվածին էլ հավելենք այն, որ փոխնախագահ Փենսը նույնպես հստակ որդեգրել է նույնասեռությանը դեմ դիրքորոշում, ապա դժվար չէ կռահել, որ դա շուտով կդառնա երկրի պաշտոնական քաղաքականություն: Իսկ եթե ապագան դա է կանխագուշակում, ապա առջևում հայ գրանտակերների սև օրերն են:
Գաղտնիք չէ, որ Հայաստանում բազմաթիվ ՀԿ-ներ պատկառելի դրամաշնորհներ էին ստանում Արևմուտքից` մեր երկրում նույնասեռականություն քարոզելու և ԼԳԲՏ համայնքի ներկայացուցիչների շահերի դիրքերից հանդես գալու համար` գերազանց իմանալով, որ հասարակության ճնշող մեծամասնությունը դեմ է այդ երևույթներին և մերժում է ամեն կարգի սեռական այլասերվածություն: Իսկ այժմ Թրամփի խոսքերը հայ գեյերին ու լեսբիներին մի կտոր հացի կարոտ է դարձնելու և նրանք ստիպված են լինելու նոր «շուկաներ» որոնել` իրենց «ապրանքը» վաճառելու համար:
1
2
3
4
5
1
2
4
5
1
2
3
4
5
