Նոր որակ ջրի շուկայում. Նարեկ Նալբանդյանի նոր նախաձեռնությունը

Ջրի շուկան Հայաստանում ամենահագեցած շուկաներից մեկն է, որտեղ բազմաթիվ խաղացողներ՝ մեծ և փոքր ընկերություններ կան, որոնք տարբեր տեսակի, տարբեր շշերի և տարբեր որակի՝ գազավորված և ոչ գազավորված ջրեր են լցնում և վաճառում հանրությանը։

Շուկայում խաղացողներից մեկը՝ հայտնի «Պրոմ ինտեր-ինվեստ» ընկերությունն է՝ գործարար Նարեկ Նալբանդյանի գլխավորությամբ, որը դեկտեմբերից է զբաղվում «AquaYan» ջրերի շշալցմամբ։

Այս ջուրը շշալցվում է Կաթնաղբյուրի սառնորակ ջրից և ֆիլտրվում է նորագույն ֆիլտրերի միջոցով, ինչն ապահովում է գոյություն ունեցող բոլոր տեսակի բակտերիաների մանրէազերծումը և իսպառ վերացումը։ Շշալցման ընթացքում պահպանվում է ջրերի ողջ բնական, յուրօրինակ բաղադրությունը։

Կարճ ժամանակահատվածում գործարար Նարեկ Նալբանդյանին հաջողվել է արժանանալ ինչպես հայ, այնպես էլ օտարերկրյա սպառողների վստահությանն ու համակրանքին։ Արտադրանքի ավելի քան 80 տոկոսը արտահանվում է ԵԱՏՄ երկրներ։

Ընկերությունը ծրագրում է նաև արտահանում իրականացնել դեպի Եվրոպա և հատկապես Գերմանիա, որտեղ վստահ են, որ իրենց յուրօրինակ և գեղեցիկ շշերով ջրերը կկարողանան լուրջ մրցակցություն ապահովել եվրոպական առաջատար ապրանքանիշներին։

Վստահաբար այս ոլորտում կարճ ժամանակահատվածում լուրջ արդյունքներ արձանագրեց «Պրոմ ինտեր-ինվեստ» ընկերությունը իր «AquaYan» ջրերով և կարող է շուկայում առանցքային դեր և տեղ զբաղեցնել, ինչպես նաև արժանի մրցակցություն ցուցաբերել թե՛ ԵԱՏՄ տարածքում, թե՛ եվրոպական երկրներում։

Հատկապես բժիշկները նշում են, որ ջրի մեջ հավասարակշռված ֆիզիոլոգիական ամբողջական բաղադրություն կա, այն պարունակում է կալցիում, մագնեզիում, կալիում, մարմնի համար անհրաժեշտ այլ միկրոէլեմենտներ, և եվրոպական հոսքագիծն ու նորագույն սարքավորումները թույլ են տալիս ընկերությանը մեծ արդյունքներ ցուցաբերել։

Արմեն Մինասյան