Հուլիսի 29-ի լույս 30-ի գիշերը Երևանում լուրջ հանցագործություններ են եղել. ԱՄՆ դեսպան

2016 թվականի հուլիսի 29-ի լույս 30-ի գիշերը Երևանում լուրջ հանցագործություններ են տեղի ունեցել, եւ կարեւոր է, որ դրանց համար բոլոր մեղավորները ըստ արժանվույն պատժվեն: ՊՊԾԳ գնդի գրավման օրերին մտահոգիչ էր հատկապես լրագրողների եւ ցուցարարների նկատմամբ ոստիկանության անհամաչափ ուժի կիրառումը: Հայ-ամերիկյան առեւտրային պալատի ծրագրերի ներկայացման ժամանակ այս մասին այսօր հայտարարեց Հայաստանում ԱՄՆ դեսպան Ռիչարդ Միլսը՝ ընդգծելով՝ չպետք է տպավորություն ստեղծվի, որ մարդիկ կալանքի տակ պահվում են իրենց քաղաքական հայացքների համար:

Ստորև ներկայացնում ենք ելույթի այդ հատվածն ամբողջությամբ. «Թույլ տվեք այժմ անդրադառնալ անցած տարվա հուլիսի Էրեբունու դեպքերին: Դիմակայության 15-օրյա ժամանակահատվածի մեծ մասում հայ իրավապահները կարողացան լավ հավասարակշռություն ապահովել բնակչության և դեպքի վայրի շուրջ անվտանգության ապահովման հարցում՝ միաժամանակ ապահովելով Հայաստանի քաղաքացիների խաղաղ ցույցեր անցկացնելու իրավունքը: Այնուհանդերձ, մեզ համար խորապես մտահոգիչ էին հուլիսի 29-30-ին անզեն ցուցարարների ու լրագրողների նկատմամբ ոստիկանության կողմից ուժի անհամաչափ կիրառման մասին վստահելի հաղորդումները: Այդ ժամանակ մենք մեր մտահոգությունները ներկայացրեցինք՝ նշելով, որ նման գործողությունները խախտում են մամուլի ազատության ու Հայաստանի քաղաքացիների ազատ արտահայտվելու ու հանրահավաքներ անցկացնելու իրավունքները: Թեպետ այդ օրվա գործողությունների համար որոշ ոստիկաններ պատժվել են, սակայն ավելին կարող էր արվել և պետք է արվեր: Հուլիսի 29-ի լույս 30-ի գիշերը լուրջ հանցագործություններ են եղել և կարևոր է, որ մեղավորները պատասխանատվության ենթարկվեն:

Շարունակությունն՝ սկզբնաղբյուրում