Իռլանդական գնչուների երեխաներ, որոնք ժամանակից շուտ են մեծացել (լուսանկարներ)
Աշխարհ
Իռլանդիայում մոտ 25 հազար քոչվոր է բնակվում, և նրանց թվում է փեյվի քոչվոր համայնքը, որոնց իռլանդական գնչուներ են կոչում: Լուսանկարիչ Ջեյմի Ջոնսոնը հնարավորություն է ունեցել լուսանկարել մեկուսացած և փակ համայնքի անդամներին Բալինասլո քաղաքում անցկացված ձիերի տոնավաճառի ժամանակ:
Bigpicture-ի հաղորդմամբ` Ջոնսոնն աստիճանաբար ծանոթացել է համայնքի ընտանիքների հետ և ձեռք բերել նրանց վստահությունը: Լուսանկարիչը գնումների է գնացել կանանց հետ և խաղացել երեխաների հետ: Նրա խոսքով` համայնքի անդամ երեխաները ժամանակից շուտ են մեծանում. աղջիկները դեռ մանուկ հասակում սկսում են կոսմետիկա օգտագործել և մեծահասակների պես հագնվել` հույս ունենալով հնարավորինս արագ ամուսնանալ:
«Համայնքը փորձում է սերնդեսերունդ շարունակել ընտանիքների մշակույթը` պատմելով պապիկների և տատիկների հիասքանչ հեքիաթները: Նրանք ձգտում են հավասարության և հույս ունեն, որ հաջորդ սերունդը կձերբազատվի կողմնակալությունից, որով վերաբերվում են իրենց», - պատմել է լուսանկարիչը:
Նշվում է, որ փեյվիները բնակվում են նաև Մեծ Բրիտանիայում և ԱՄՆ-ում: Նրանց մայրենի լեզուն շելտան է, սակայն նրանք խոսում են նաև անգլերեն: Այս համայնքի ծագումը վիճարկելի է. կան ենթադրութոյւններ, որ նրանք բնակվել են Իռլանդիայում դեռևս մինչև Միջնադար:
1
2
3
4
5
1
3
5
1
3
4
5
