«Երկու ձեռք շորից բացի ոչ մի բան չունեմ». նախկին միլիոնատերը հայտնվել է մեղադրալի աթոռին

Սնանկացած գործարար Փայլակ Հայրապետյանը, ով մեկ տարուց ավել է պայքարում է իր ունեցվածքը հետ ստանալու համար, հիմա էլ հայտնվել է մեղադրյալի կարգավիճակում։ Հարկային քննչական վարչությունում գործ է քննվում հարկերից խուսափելու համար։ Հայրապետյանին որպես մեղադրյալ են ներգրավվել հենց հարկերից խուսափելու համար։ Բանն այն է, հիմա էլ պարզվել է, որ Հայրապետյանի այն գույքը, որը անցել էր «Ամերիաբանկ»-ին և հանվել վաճառքի, դրանից գոյացած որոշ հարկեր հենց նա պետք է վճարեր։ «Երբ բանկը վաճառել է իմ ունեցվածքը, որը վերցրել էին ինձանից, պետք է պետությանը հարկեր վճարեր այդ վաճառքից, սակայն չի վճարել։ Հիմա ասում են, որ ես պետք է վճարեմ։ Այդ խուլիգան վարչապետ Տիգրան Սարգսյանը իր ժամանակ այնպիսի մի օրենք է հանել, որ գույքը վաճառելուց դրա տերը պետք է պետության հարկերը վճարի։ Ամեն պայման հարմարացրել են իրենց գրպանը հարստացնելու համար»,- «Առաջին լրատվական»-ի հետ զրույցում ասաց Փայլակ Հայրապետյանը՝ ավելացնելով, որ ինքը մինչ վերջերս ոչ մի բանից տեղյակ չի եղել։ Իսկ հիմա պարզվում է, որ Հայրապետյանը արդեն իսկ 115 միլիոնի հասնող չվճարված հարկային պարտավորություններ ունի։ «Բայց ես ոչ մի կոպեկ չեմ կարող վճարել, ես ոչ մի բան չունեմ, վարձով եմ ապրում։ Իմ միակ ունեցածը երկու ձեռք շորն է։ Ես 82 տարեկան մարդ եմ, ինչ ուզում են թող անեն, թող տանեն նստացնեն»,- հավելեց Հայրապետյանը։

Շարունակությունը՝ կայքում