Իսկ դուք ու՞մ եք տեսել երազում․ իրենց փորձով կիսվել են Սրբուկն ու Վիկտորյա Սահակյանը
ՀասարակությունՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Հայ առաքելական եկեղեցին այս տարի երիտասարդների եւ սիրահարների տոնը` Սուրբ Սարգիսը, նշում է փետրվարի 4-ին: Այս տոնը Հայաստանում նշել եւ նշում են նաեւ ժողովրդական ավանդույթներով։ Օրինակ, Սուրբ Սարգսի տոնին նախորդող գիշերը երիտասարդ աղջիկներն աղի բլիթ են ուտում՝ սպասելով, որ երազում կտեսնեն իրենց ապագա փեսացուին։
NEWS.am STYLE-ը փորձեց տեղեկանալ, թե ինչպես են տոնում Սուրբ Սարգիսը հայ հայտնիները:
«Երբեւէ չեմ նշել, բայց իրականում սիրում ու հարգում եմ այդ տոնը, շատ հաճելի է, երբ մարդիկ դեռ հետեւում են ինչ-որ փոքր նյուանսների: Միեւնույն ժամանակ Վալենտինի տոնին էլ եմ շատ ադեկվատ վերաբերում: Բնականաբար նախապատվությունը տալիս եմ հայկական տոներին: Բայց, իմ կարծիքով, Հայաստանում ավելի տարաված է հենց Վալենտինի տոնը», – նշում է դերասանուհի Վիկտորյա Սահակյանը։
Վիկտորյան ինքն աղի բլիթ չի պատրաստել, բայց մի քանի անգամ խանութից գնել է: Սակայն, իր խոսքով՝ ոչ մի ասպետի երազում չի տեսել:
«Աղի բլիթ պատրաստել եմ հաղորդման շրջանակներում: Կերել եմ, բայց ոչ ոքի չեմ տեսել երազում», – ասում է երգչուհի Սրբուհի Սարգսյանը։
Սրբուկը հիշում է, որ տատիկն էր պատրաստում աղի բլիթ: Նա նաեւ մեզ հետ կիսվել է իրեն ծանոթ ավանդույթով՝ ըստ որի, միայն ամուրի կինը պետք է պատրաստի այն:
Իրականում այդ շատ տարածված կարծիքը, որ աղի բլիթ պետք է պատրաստի այրի կինը, չի փոխանցում տոնի խորհուրդը: Աղի բլիթ պատրաստել եւ բաժանել նշանակում է երջանկություն ու սեր փոխանցել։ Այդ լուրջ գործը պետք է իրականացնի ամուսնացած, երջանիկ կինը: Իսկ, եթե ամուսնացած կանայք չկան ձեր շրջապատում, ապա այդ արարողությունն իրականցնում է սիրահարված աղջիկը:
Այն հարցին, թե այս տարի արդյո՞ք պատրաստվում են ուտել աղի բլիթ, մենք ստացանք դրական պատասխան:
Իսկ դուք ու՞մ եք տեսել երազում:
1
2
3
4
5
1
3
4
5
2
