«Միհրանը պարտվել է համառ և գեղեցիկ պայքարում»․ Հայաստանի օլիմպիական կոմիտե

ՀԱՕԿ-ը պետք է լիներ առաջիններից մեկը, որը կկանգներ 66 կգ քաշային հունահռոմեական աճի ըմբիշ Միհրան Հարությունյանի կողքին, որի ձեռքերից Ռիոյում անարդարացիորեն խլեցին օլիմպիական ոսկին։ Սակայն այդ ազգային կառույցը կարծում է, որ հայ ըմբիշը «պարտվել է գեղեցիկ և համառ պայքարում»։

«...Եզրափակչում Միհրան Հարությունյանի մրցակիցը սերբ, աշխարհի նախկին չեմպիոն Դավոր Ստեֆանենկն էր։ Գեղեցիկ և համառ պայքարն ավարտվեց 1-1, և քանի որ սերբը վերջինն էր միավոր վաստակել, հաղթանակը մրցավարները տվեցին Ստեֆանեկին»,- գրված է ՀԱՕԿ պաշտոնական կայքում։

«Հայկական ժամանակ»-ը մեկնաբանել է. «Ստացվում է., որ Հայաստանի ազգային օլիմպիական կոմիտեն չի նկատել, որ իրականում Միհրան Հարությունյանը գոտեմարտում պարտվեց մրցավարական անհայտ կողմնակալության պատճառով: …Հիշեցնենք, սա առաջին դեպքը չէ, որ Միհրան Հարությունյանը նման անարդարության զոհ է դառնում, և այդ ամենը Ռուսաստանի ըմբշամարտի միության նախագահ, ըմբշամարտի միջազգային ֆեդերացիայի մրցավարական կոմիտեի նախագահ Միխայիլ Մամիաշվլիու անձնական հաշվեհարդարն է Միհրանի հետ։ Միհրանի օլիմպիական ոսկին վերադարձնելու պահանջով change.org կայքում ստորագրահավաք է սկսվել։ Իրականում, սակայն, սպորտի պատմության մեջ դեռ չի եղել դեպք, երբ փոխվի կայացած հանդիպման արդյունքը կամ էլ բազմահազար ստորագրությունների հետևանքով մարզիկ որակազրկվի»,-գրել է թերթը:

Մանրամասները՝ թերթի այսօրվա համարում: