Ավետիք Չալաբյանը Գյումրիում մասնակցել է «Երիտասարդությունը և հայկական քաղաքակրթության ապագան» խորագրով գիտա-գործնական սեմինարին
ՀասարակությունՔաղաքական-հասարակական գործիչ, «Համախմբում» շարժման խորհրդի անդամ Ավետիք Չալաբյանը ֆեյսբուքյան իր էջում գրում է.
Այսօր «Ազգային արժեք» ակումբի մեր գործընկերների հրավերով, օրն անցկացրեցինք Գյումրիում, որտեղ պատիվ ունեցանք մասնակցելու «Երիտասարդությունը և հայկական քաղաքակրթության ապագան» խորագրով գիտա-գործնական սեմինարին:
Գյումրին մի հատուկ երևույթ է, որը չի դադարում զարմացնել՝ առաջին հերթին իր ստեղծագործ և ոգեղեն մարդկանցով, բայց և իր քաղաքային ուրույն միջավայրով, անզուգական ճաշակով և էսթետիկ ներդաշնակությամբ, հոգևորի և աշխարհիկի ինքնատիպ համադրությամբ:
Բուն սեմինարը հրաշալի երիտասարդներ հայտնաբերելու, նրանց և նաև նրանց նվիրյալ դաստիրակների հետ շփվելու եզակի հնարավորություն էր, և համագործակցության նոր հորիզոններ է բացում բոլորի ներկաների համար:
Շնորհակալ ենք «Ազգային արժեք» ակումբի մեր գործընկերներին այս հրաշալի օրվա համար, և ջերմ ողջույներ ենք հղում Գյումրիում այսօր մեզ հետ հանդիպած բոլոր տարեկից և երիտասարդ ընկերներին!
1
2
3
4
5
2
4
5
2
4
