Կրեմլի ու Թրամփի ներքին խմորումները կազդե՞ն Ղարաբաղի վրա

Ղարաբաղյան հարցը առաջնահերթ խնդիր չի լինի ԱՄՆ նախագահ Թրամփի գլխավորած Սպիտակ տան համար, ինչը կարող է ավելի շատ տարածություն տալ պետքարտուղար Թիլերսոնին արտաքին քաղաքականություն վարելու համար: Օհայո նահանգի համալսարանի պատվավոր պրոֆեսոր, քաղաքագետ Փոլ Բեքը կարծում է, որ պետքարտուղարությունը նոր նախագահի օրոք կշարունակի Օբամայի վարչակազմի քաղաքական կուրսը ԼՂ հարցի ուղղությամբ:

Պատասխանելով «Առաջին լրատվական»-ի հարցերին՝ պրոֆեսոր Փոլ Բեքը անդրադարձավ Միացյալ Նահանգների ներքին զարգացումներին նոր նախագահի երդմնակալությունից հետո և վերջինիս արտաքին քաղաքական մոտեցումներին: Այս իմաստով մեր զրուցակիցը տարանջատում է իշխանության տարբեր ճյուղերի և նույնիսկ վարչակազմի տարբեր պաշտոնյաների մոտեցումները՝ հատկապես կապված արտաքին քաղաքական հարցերի հետ:

Փոլ Բեքի կանխատեսմամբ՝ Թրամփի դեմ ընդդիմություն կարող է առաջանալ Հանրապետական կուսակցության ներսում հենց արտաքին քաղաքականության խնդիրների պատճառով: «Բախում» կարող է լինել նաև պետքարտուղարության և Սպիտակ տան, ավելի կոնկրետ՝ Թրամփի խորհրդական և գլխավոր ստրատեգ Սթիվ Բենոնի միջև: Վերջինս, ըստ ամերիկյան ԶԼՄ-ների, լուրջ ազդեցություն ունի Թրամփի որոշումների վրա: Այս ամենը կարող են ազդել թե՛ Ռուսաստանի ուղղությամբ ամերիկյան քաղաքականության և թե՛, մասնավորապես, ԼՂ հարցի վերաբերյալ Վաշինգտոնի մոտեցումների վրա:

– Պարոն Բեք, Ձեր կանխատեսումներով՝ ինչպե՞ս կզարգանան իրադարձությունները նախագահ Թրամփի ներքին քաղաքականության, գործադիր որոշումների և հատկապես միգրացիոն քաղաքականության շուրջ: Ներկայիս հասարակական դժգոհությունը և բողոքի ցույցերը կարո՞ղ են հանգեցնել ավելի լուրջ հետևանքների՝ կոնֆլիկտի քաղաքացիների և Թրամփի վարչակազմի կամ նախագահի և իշխանության մյուս ճյուղերի միջև:

– Նախագահական ընտրապայքարը շատ թեժ էր և խիստ պառակտիչ, մեծ թվով ընտրողներ խորապես դժգոհ մնացին ընտրությունների արդյունքներից, և նախագահ Թրամփը իր վիճելի ու նեղկուսակցական գործադիր հրամաններով որևէ կերպ չնպաստեց այդ պառակտումը կանխելուն: Ուստի զարմանալի չէ, որ երկրում կա լուրջ դժգոհություն, որը հանգեցնում է և՛ ժողովրդական բողոքի ցույցերի, և՛ դատավորների անհամաձայնության:

Դատավորների խնդիրը կկարգավորվի՝ գոնե փախստականների խնդրի մասով: Իսկ թե արդյո՞ք կլինեն նոր դատավորներ, ովքեր դեմ դուրս կգան Թրամփի որոշումներին, կախված է նրանից, թե որքան կշարունակի Թրամփը ստուգել գործադիր իշխանությունը առանց խորհրդակցելու կամ Կոնգրեսի օրենսդրական աջակցությունը փնտրելու:

շարունակությունն՝ սկզբնաղբյուրում