«Ապրելու երկիրն» ակտիվացրել է իր քաղաքական գործունեությունը

«Ապրելու երկիր» կուսակցությունը վերջին շրջանում զգալի ակտիվացրել է իր քաղաքական գործունեությունը Հայաստանում։ Ամիսներ շարունակ կուսակցությունը և նրա հիմնադիր Ռուբեն Վարդանյանը չափազանց ակտիվ էին և են՝ Արցախում «որտեղ նույնիսկ պաշտոնանկությունից հետո Ռուբեն Վարդանյանի նախաձեռնությունները նոր թափ են հավաքում։

«Մենք ենք մեր սարերը» գործակալությունը զգալի աշխատանք է տանում արցախցիների հոգսերը թեթևացնելու ուղղությամբ։ Ոչ պակաս ակտիվ են նաև Երևանում։ «Ապրելու երկիր» կուսակցության նախագահ Մանե Թանդիլյանը համարվում է Երևանի քաղաքապետի առաջատար թեկնածուներից մեկը։

Ընդցմին, կուսակցության գործունեությունը չի սահմանափակվում միայն Երևանի կամ Հայաստանի ներքաղաքական շրջանակներով, կուսակցության նախագահը իրանական նոր տարվա՝ Նովրուզի առթիվ շնորհավորական ուղերձ է հղել Հայաստանում Իրանի դեսպան Աբաս Բադախշան Զոհուրիին՝ ցանականալով մեր բարեկամ ժողովրդին խաղաղություն, բարեկեցություն, բարօրրություն։

Ըստ Մանե Թանդիլյանի՝ դեռ կա մեծ ծավալի չսպառված ներուժ մեր երկու երկրների հարաբերություններում. «Վստահ ենք համատեղ ջանքերով հնարավոր է Թեհրան- Երևան հարաբերությունները բարձրացնել նոր մակարդակի՝ ի շահ մեր երկու երկրների զարգացման, հանուն տարածաշրջանում հավասարակշռության և խաղաղության պահպանման»,- նշել է Մանե Թանդիլյանը։

Ի դեպ, «Ապրելու երկիրը» ընդհանրապես լուրջ գնահատականների է արժանանում ոչ միայն մեր հարևան և բարեկամ Իրանում, ռազմավարական դաշնակից Ռուսաստանում, այլ նաև արևմտյան երկրների մոտ, որոնք չափազանց կարևոր են համարում չափավոր և բոլոր բարեկամ կողմերի հետ աշխատելու ցանկություն ունեցող «Ապրելու երկիր» կուսակցության նախաձեռնությունները։

Ուստի և այս հանգամանքը չի կարող աննկատ մնալ գործող իշխանությունների համար, սեփական իշխանության վերարտադրությունն ամեն գնով ապահովելու կարոտ Նիկոլ Փաշինյանի և նրա թիմակիցների կողմից, մեր տեղեկություններով, առաջիկայում լուրջ հարձակումներ են սպասվում հենց «Ապրելու երկիր» կուսակցության դեմ։ Երևանի քաղաքապետի ընտրությունները կարող են դառնալ գործող իշխանությունների իշխանափոխության սկիզբը, իսկ որպես հիմնական մրցակից համարվում է հենց «Ապրելու երկիրը» և Մանե Թանդիլյանը։

Լուսինե Մանուկյան