Ադրբեջանական կողմն ուղիղ դիտարկման տակ է վերցրել Ստեփանակերտը Հին Շեն, Մեծ Շեն և մի քանի այլ գյուղերի հետ կապող գրունտային ճանապարհը․ Նիկոլ Փաշինյան

Ցանկանու՞մ ես ստանալ Ավտովարկ ընդամենը մեկ օրում։ Պարզապես դիմիր առցանց, լրացրու օնլայն հայտը ԱՅՍՏԵՂ և մեր մասնագետները հաշված րոպեների ընթացքում կապ կհաստատեն քեզ հետ։ Լրացրու հենց հիմա

«Նախորդ շաբաթվա ընթացքում ԼՂ-ն ՀՀ-ին կապող Լաչինի միջանցքի շուրջ զարգացումները հետևյալն են՝ Ադրբեջանը ոչ միայն շարունակել է Լաչինի միջանցքի ապօրինի արգելափակումը, այլ հերթական ներխուժումն է իրականացրել ԼՂ-ում  ՌԴ խաղաղապահ զորախմբի պատասխանատվության գոտի։ Ներխուժման փաստն արձանագրել է նաև ՌԴ ՊՆ-ն՝ պաշտոնական հաղորդագրությամբ, որի մեջ մասնավորապես ասված է․ «2023-ի մարտի 25-ին Ադրբեջանի  ԶՈՒ ստորաբաժանումները, խախտելով  2020-ի նոյեմբերի 9-ի եռակողմ հայտարարության առաջին կետը, Շուշիի շրջանում հատել են շփման գիծը և  զբաղեցրել 2054,0 բարձունքը  և սկսել ինժեներական աշխատանքներ։ Ադրբեջանական կողմին է ներկայացվել եռակողմ հայտարարության դրույթների կատարման  անհրաժեշտության, ինժեներական աշխատանքները դադարեցնելու  և Ադրբեջանի ԶՈՒ ստորաբաժանումների  նախնական դիրքեր վերադարձնելու մասին պահանջ»,- կառավարության այսօրվա նիստում այս մասին ասաց ՀՀ վարչապետ Նիկոլ Փաշինյանը։  

«Կարող ենք արձանագրել, որ Ադրբեջանը ոչ միայն չի կատարում  Արդարադատության միջազգային դատարանի ս/թ  փետրվարի 22-ին կայացրած որոշումը՝ Լաչինի միջանցքի ապօրինի արգելափակումը վերացնելու մասին, այլ ավելի է սրում իրավիճակը՝ ԼՂ նաև  ներքին տրանսպորտային հաղորակցությունը արգելափակելուն ուղղված քայլեր ձեռնարկելով։ 2054 բարձունքից ադրբեջանական կողմն ուղիղ  դիտարկման տակ է վերցրել Ստեփանակերտը Հին Շեն, Մեծ Շեն և մի քանի այլ գյուղերի հետ կապող  գրունտային ճանապարհը։ Ադրբեջանը սա բացատրում է իբր թե ՀՀ-ից ռազմական բեռների և  անձնակազմի տեղափոխումներով․ սա բացարձակապես իրականությանը չհամապատասխանող տեղեկատվություն է»,- ընդգծեց նա։