Շախմատիստուհի Աննա Սարգսյանը կստանա 1857 եվրո, Էլինա Դանիելյանն ու Լիլիթ Մկրտչյանը՝ 500-ական․ ԿԳՄՍՆ

Ցանկանու՞մ ես ստանալ Ավտովարկ ընդամենը մեկ օրում։ Պարզապես դիմիր առցանց, լրացրու օնլայն հայտը ԱՅՍՏԵՂ և մեր մասնագետները հաշված րոպեների ընթացքում կապ կհաստատեն քեզ հետ։ Լրացրու հենց հիմա

Չեռնոգորիայի Պետրովաց քաղաքում ավարտվել է շախմատի կանանց Եվրոպայի 23-րդ անհատական առաջնությունը, որին մասնակցել են նաև Հայաստանի ներկայացուցիչները:

Հայ շախմատիստուհիներից լավագույն արդյունքը ցույց է տվել Աննա Սարգսյանը, որը 11 հնարավորից վաստակել է 7,5 միավոր և զբաղեցրել 10-րդ տեղը: Վերջին տուրում Աննան ոչ-ոքի է խաղացել ֆրանսիացի Դեյմանտե Դաուլիտե Կորնետի հետ: Սարգսյանը կպարգևատրվի 1857 եվրոյով: Ի դեպ, Եվրոպայի չեմպիոնի կոչումը նվաճած վրացի Մերի Արաբիձեին Աննա Սարգսյանը զիջել է ընդամենը մեկ միավորով:

Հայաստանի մյուս ներկայացուցիչներ Էլինա Դանիելյանն ու Լիլիթ Մկրտչյանը մրցաշարն ավարտել են 7-ական միավորով: Էլինան զբաղեցրել է 14-րդ տեղը և կպարգևատրվի 500 եվրոյով: Լիլիթ Մկրտչյանը մրցաշարն ավարտել է 21-րդ հորիզոնականում:

Հայաստանի հավաքականի անդամ Մարիամ Մկրտչյանը 6,5 միավորով գրավել է 30-րդ տեղը: Մկրտչյանը լրացրել է կանանց միջազգային գրոսմայստերի նորմա: Սուսաննա Գաբոյանը 5,5 միավորով զբաղեցրել է 65-րդ հորիզոնականը, իսկ Պոլինա Կոբակը 5 միավորով հանգրվանել է 84-րդ տեղում:

Առաջնության արդյունքներով Աննա Սարգսյանը բարելավել է իր վարկանիշը 3.9 կետով, Լիլիթ Մկրտչյանը՝ 9.8 կետով, Մարիամ Մկրտչյանը՝ 16.6 կետով, Սուսաննա Գաբոյանը՝ 20.4 կետով և Պոլինա Կոբակը՝ 141 կետով: