Համասեռամոլների իրավունքների պաշտպանները էթիկայի հանձնաժողով են պահանջում

Իրավապաշտպան մի խումբ կազմակերպություններ հայտարարություն են տարածել՝ պահանջելով հրատապ ձևավորել էթիկայի հանձնաժողով և քննության առնել Ազգային ժողովի նախագահ Ալեն Սիմոնյանի վարքը։ Սովորաբար տարբեր՝ երկրի համար կենսական հարցերում լուռ իրավապաշտպաններին մինչեւ հոգու խորքը վրդովեցրել է խորհրդարանի նախագահի եւ Կանադայի քաղաքացի մի սփյուռքահայ դաշնակցականի միջեւ տեղի ուենցած միջադեպը, երբ, ըստ մամուլի Ալեն Սիմոնյանը թքել է իրեն «դավաճան» անվանած երիտասարդի դեմքին։

Հրաշալի է, երբ հասարակական կազմակերպությունները իրավունքների պաշտպանության, պետական պաշտոնյաների վարքի եւ պահվածքի հարցեր են բարձրացնում, պահանջներ ներկայացնում օրվա իշխանություններին։ Իսկ ինչու նրանք արթնացան երկու անձանց միջադեպի դեպքում, և արդեն տարիներ շարունակ ծպտուն չեն հանում հարյուրավոր առավել հանրային նշանակություն ունեցող դեպքերով։

Կամ էլ ընդդիմադիր դաշտը հայտնվել է ծանր մի վիճակում, որ պետական պաշտոնյանների դեմ պայքարի ճակատում մնացել են գեյերի, լեսբիների ու այլ փոքրամասնությունների հույսին, կամ ինչ որ մի խումբ օգտագործում է պատեհ առիթը` Ալեն Սիմոնյանին նոր սկանդալների մեջ ներքաշելու։

Եթե նրանք տարիներ շարունակ ձկան նման լուռ չլինեին երկրում տեղի ունեցած այլ աղմկահարույց դեպքերով` գուցե այսքան ծիծաղելի չլիներ նրանց վարքագիծը։ Հիմա, լրիվ անհասկանալի պայմաններում, իրենց կլիենտուրան սկսել են փոխել։

Թե ինչու` կփորձենք պարզել։

Աննա Նադոյան