Ըստ Վարդանյանի` երիտասարդությունը միշտ է եղել հասարակության շարժիչ ուժը
Քաղաքականություն
«Մենք ապրում ենք մի իրավիճակում, երբ մի կողմից անհանգստանում ենք անվտանգության համար, բայց մյուս կողմից չենք ուզում ընդունել իրականությունը և շարունակում ենք ապրել այնպես, կարծես ամեն ինչ նախկինի պես է»,- Արցախի նախկին պետնախարար Ռուբեն Վարդանյանն է այս արձանագրումն արել։
Նրա խոսքով, հասարակության մեջ մեծ է հիասթափությունը, չենք հավատում ինքներս մեզ և առաջնորդներին, իսկ ապագայի վերաբերյալ հստակ պատկերացման բացակայությունն ավելի է հուսալքում: «Բայց գոյություն ունի շատ պարզ ճշմարտություն՝ մինչև քո մեջ ուժ չգտնես կերտելու այդ ապագան, քայլեր չանես այդ ուղղությամբ, այդ ապագան ինքնըստինքյան չի կերտվելու»:
Արցախի նախկին պետնախարարը Ստեփանակերտի «Մեր սարերը» կենտրոնում հանդիպել է արցախցի մի խումբ երիտասարդների հետ՝ հասկանալու համար, թե ակտիվ երիտասարդությունն ինչպես է տեսնում իր ապագան:
Ըստ Վարդանյանի, երիտասարդությունը միշտ է եղել հասարակության շարժիչ ուժը: Այս երիտասարդների ծնողներն էին, որ 35 տարի առաջ սկսեցին Արցախյան շարժումը, որոշեցին, որ չեն լինելու Ադրբեջանի կազմում, դուրս եկան պայքարի, ամեն ինչ արեցին՝ փոխելու իրավիճակը և փոխեցին:
«Երիտասարդներին իմ հորդորը մեկն էր՝ ձերբազատվել մտքից, թե իրենք բավարար ուժ ու կարողություն չունեն իրավիճակ փոխելու համար, և որ դա ղեկավարության գործն է: Իրականում երիտասարդությունը շատ բան կարող է անել, որոշել՝ ինչպիսի ապագա են տեսնում իրենք և ամեն ինչ անել՝ իրենց պատկերացրած ապագան կերտելու համար»,- նշել է նա:
««Մեր սարերը» կենտրոնը լավ հարթակ է ապագայի տեսլականի շուրջ քննարկումների, բանավեճերի համար: Առաջիկայում նաև «Մատենա» միջազգային դպրոցն է այստեղ առաջնորդության ծրագիր սկսելու, և ես ուրախ կլինեմ, որ արցախցի երիտասարդներն ակտիվ մասնակցություն ունենան»,- գրել է Վարդանյանը:
Հրանտ Սարգսյան
1
2
3
4
5
1
2
3
4
5
2
3
4
5
