Ալեն Սիմոնյանը դիմել է Ռուսաստանի Դաշնությանը և ՄԱԿ-ի անդամ երկրներին
ՀասարակությունՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Ազգային ժողովի նախագահ Ալեն Սիմոնյանը «Թվիթեր»-ի իր միկրոբլոգում անդրադարձել է Ադրբեջանի կողմից Լաչինի մուտքի մոտ անցակետի տեղադրմանը։ Նա կոչով դիմել է Ռուսաստանի Դաշնությանն ու ՄԱԿ-ի անդամ երկրներին։
«Ադրբեջանի կողմից Լաչինի մուտքի մոտ անցակետի տեղադրումը կոպտորեն խախտում է 2020 թվականին ընդունված եռակողմ հայտարարության 6-րդ կետը։
Կոչ ենք անում Ռուսաստանից ստանձնել իր վրա վերցրած պատասխանատվությունը, ապահովել ադրբեջանական զորքերի դուրս բերումը Լաչինի միջանցքի բոլոր շրջաններից։
Կոչ ենք անում նաև ՄԱԿ-ի անդամ այն երկրներին, որոնք ունեն անվտանգության պահպանման մանդատ, ձեռնարկել բոլոր միջոցները, որպեսզի կատարվի Արդարադատության միջազգային դատարանի պահանջը»,- գրել է ԱԺ խոսնակը:
Հիշեցնենք՝ երեկ Ադրբեջանը պաշտոնապես հայտարարել է Լաչինի միջանցքի մուտքի մոտ, որը գտնվում է ՌԴ խաղաղապահ զորախմբի վերահսկողության ներքո, ստուգիչ անցագրային կետի տեղակայման մասին։ Անցակետի տեղադրումն այդ հատվածում Ադրբեջանը հիմնավորում է հերթական ապատեղեկատվությամբ, իբրև թե նպատակ ունեն «կանխելու Հայաստանից Արցախ ապօրինի զենքի տեղափոխումը»։
2020 թվականի նոյեմբերի 9-ի եռակողմ հայտարարության որևէ դրույթով նշված չէ այդ հատվածում անցակետ տեղադրելու մասին։
Արձագանքելով Ադրբեջանի սադրիչ գործողություններին՝ ՀՀ ԱԳՆ-ն կոչ է արել ՌԴ-ին ի վերջո կատարել եռակողմ հայտարարության 6-րդ կետով ստանձնած պարտավորությունը՝ վերացնել միջանցքի ապօրինի արգելափակումը և ապահովել ադրբեջանական ուժերի դուրսբերումը Լաչինի միջանցքից՝ ողջ անվտանգության գոտուց:
1
2
3
4
5
2
3
4
5
1
