Հայտնի են առողջության ապահովագրության փաթեթում ներառված ծառայություններն ու պայմանները
ՀասարակությունՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
«Առողջության համապարփակ ապահովագրության» մասին օրենքի նախագիծն արդեն e-draft հարթակում է։
Նախագծից պարզ է դառնում, որ ապահովագրության փաթեթում ընդգրկված ծառայություններն են՝ կանխարգելիչ, բուժական, խորհրդատվական, պալիատիվ, դեղորայքային օգնություն ցուցաբերելը, ինչպես նաև՝ ախտորոշիչ հետազոտություններն և վերականգնողական բուժումները։
Ապահովագրավճարը վճարելու օրվան հաջորդող ամսվա մեկից անձը կարող է ստանալ ապահովագրված անձի կարգավիճակ, որը գործելու է մինչև ապահովագրված անձի կարգավիճակը դադարելու ամսվա վերջին օրը։
Վկայագիրը ապահովագրված անձին տրամադրվելու է առողջության առաջնային պահպանման այն բժշկական կազմակերպության կողմից, որտեղ անձը գրանցված է։ Ապահովագրված անձի ապահովագրական փաթեթից օգտվելու նախապայմանը տարեկան պարտադիր բժշկական կանխարգելիչ զննություն անցնելն է:
Այսպիսով, Լիազոր մարմնի կողմից քաղաքացիներին տրամադրվելու է առողջության համապարփակ ապահովագրության վկայագիր։ Վկայագրի հետ միասին տրվելու է նաև իրազեկման թերթիկ, որտեղ ներառված են լինելու ապահովագրված անձի իրավունքներն ու պարտականությունները։ Ըստ օրենքի նախագծի՝ ստեղծվելու է նաև ռեգիստր, որտեղ ներառված պետք է լինեն ապահովագրված անձի տվյալները։
Նախագծի հիմնավորման մեջ նշվում է, որ առողջության համապարփակ ապահովագրության ներդման արդյունքում նախատեսվում է բոլոր ապահովագրված անձանց համար նախատեսել միևնույն ծածկույթը, անկախ վճարունակությունից և սոցիալական կարգավիճակից (տարբերությունները կարող են պայմանավորված լինել միայն տարիքով և սեռով պայմանավորված հատուցումների առանձնահատկություններով)։
Հիշեցնենք, որ այս տարվա հունվարին e-draft հարթակում հանրային քննարկման էր դրվել առողջության համապարփակ ապահովագրության հայեցակարգի նախագիծը: Հայեցակարգի հաստատումից հետո նախարարությունը սկսեց օրենքի նախագծի շուրջ քննարկումները:
1
2
3
4
5
2
3
4
5
1
