Գիշերը Բալահովիտում հրկիզել են տեղի հայտնի խանութներից մեկը
ՀասարակությունՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Այսօր՝ մայիսի 2-ին, հրկիզման միջոցով գույքի դիտավորյալ ոչնչացման դեպք է տեղի ունեցել Կոտայքի մարզում։ Ժամը 03։25-ի սահմաններում Փրկարար ծառայության 911 Ճգնաժամային կառավարման ազգային կենտրոն ահազանգ է ստացվել, որ Բալահովիտ գյուղում գործող «Մհուբ» մարկետում հրդեհ է բռնկվել։
Ինչպես հայտնում է shamshyan.com-ը, ժամանել են հրշեջ-փրկարարները, որոնք մարել են խանութի մուտքի ներսի հատվածում բռնկված հրդեհը, ինչի շնորհիվ կանխվել է կրակի տարածումը։ Ու եթե հրշեջները օպերատիվ չգործեին, խանութի ողջ գույքը վերածվելու էր մոխրակույտի։
Ժամանել են նաև իրավապահները:
Ըստ նախնական տեղեկությունների՝ տեղի է ունեցել դիտավորյալ հրկիզում, քանի որ դեպքի վայրում հայտնաբերվել է երկաթե ձող, որով կոտրել են խանութի մուտքի դռան ապակին, ապա դիզվաեռլիք են լցրել ներս, փայտի ծայրին ամրացված կտորը վառել ու կրակը նետել են խանութի ներս։
Այրվել է խանութի մուտքի դռան մոտ տեղադրված տերմինալը, դուռը։ Ընդհանուր առմամբ՝ խանութին պատճառվել է մոտ 2 միլիոն դրամի վնաս։
Դեպքի փաստով Աբովյանի քննչական բաժնում՝ հրկիզման եղանակով գույքի ոչնչացում հատկանիշներով նախաձեռնվել է քրեական վարույթ։
1
2
3
4
5
1
3
5
1
3
4
5
