ԵԹԿՊ-ն նոր ռեկտոր ունի
ՀասարակությունՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Կառավարության այսօրվա նիստի ժամանակ հաստատվեցին Երևանի թատրոնի և կինոյի պետական ինստիտուտի նոր ռեկտորի ընտրության արդյունքները։
ԿԳՄՍ նախարարը ներկայացրեց բուհի նորանշանակ ռեկտորին։
«Տևական ժամանակ է՝ բուհում ունեինք ժամանակավոր պաշտոնակատար։ Ապրիլի 20-ին հոգաբարձուների խորհուրդը վերջապես ընտրեց նոր ռեկտոր՝ Սառա Նալբանդյանին, որն արվեստագիտության թեկնածու է, դոցենտ, ունի մեծ փորձառություն արտերկրի բուհերի հետ համագործակցության հետ, բավականին երկար աշխատանքային փորձ՝ ԵԹԿՊ-ում»,- ասաց նա։
Նախարարը հույս հայտնեց, որ նորանշանակ ռեկտորը կկարողանա հաջողությամբ իրականացնել բուհի ղեկավարումը և համագործակցել Կառավարության հետ կրթական բարեփոխումների շրջանակներում։
Սառա Նալբանդյանը նույնպես վստահեցրեց՝ զարգացնելու է բուհում կրթությունը։
«Շնորհակալ եմ ԵԹԿՊ-ի հոգաբարձուների խորհրդին՝ ինձ վստահելու համար և կցանկանայի ասել, որ լիովին գիտակցում եմ ստանձնելիք պարտականությունների լրջությունը։ Կաշխատեմ դրանք իրականացնել։ Աշխատանքիս ընթացքում վերանայելու եմ բուհի կրթական ծրագրերն ու դասավանդման մեթոդները, թարմացնելու եմ մասնագիտական գրականության բազան ու գրադարանը, միջազգայնացնելու եմ բուհը, քանի որ արվեստագետը չի կարող ստեղծագործել՝ կտրված լինելով համաշխարհային պրոցեսներից»,- ասաց նա։
Փոխվարչապետ Մհեր Գրիգորյանն էլ ռեկտորից հետաքրքրվեց՝ ինչպե՞ս է պատկերացնում կրթական ծրագրերի իրականացումը։
«Նախատեսում եմ համագործակցել միջազգային բուհերի հետ, արդեն իսկ ունենք որոշակի կապեր։ Կփորձենք փոխանակման ծրագրերն ընդլայնենք»,- պատասխանեց ռեկտորը։
Նրա խոսքով՝ բուհը փոքր է, ունի 600 ուսանող և երկու ֆիլիալ Վանաձորում ու Գյումրիում։
1
2
3
4
5
1
3
5
1
3
4
5
