Արդեն վեցերորդ անգամ կազմակերպվում է լեռնային վազքի միջազգային միջոցառում, նվիրված Հայոց եռատոնին. Ավետիք Չալաբյան
Քաղաքականություն
Քաղաքական-հասարակական գործիչ, «Համախմբում» շարժման խորհրդի անդամ Ավետիք Չալաբյանը ֆեյսբուքյան իր էջում գրում է.
Արդեն վեցերորդ անգամ, Վայոց Ձորի հրաշագեղ մի անկյունում՝ Ռինդ գյուղում, տիկնոջս՝ Անահիտի և իր նվիրյալ գործընկերների կողմից կազմակերպվում է լեռնային վազքի միջազգային միջոցառում, նվիրված Հայոց եռատոնին: Ամեն անգամ, ես ինքս մասնակցել եմ այս միջոցառմանը որպես վազորդ, թեև վերջերս արդեն այդքան հեշտ չի՝ ոչ մարզավիճակի, ոչ էլ տրամադրության առումով:
Թեև այս տարի ևս տրամադրությունն այդքան էլ տոնական չի, և Եռատոնի երեք տոներից մեկը խլել են մեզնից, մենք համոզված ենք, որ դա ժամանակավոր է, և մենք ազգովի բավարար կամք ու տոկունություն ունենք՝ վերականգնելու մեր Եռատոնը: Իրականում, մեր ապագայի հաղթանակները կերտվում են այսօր, և դրանք յուրաքանչյուրիցս կամք, տոկունություն և նաև համախմբում են պահանջում, ներառյալ մեր ամենօրյա կյանքում:
Շնորհակալություն եմ հայտնում այս միջոցառման բոլոր կազմակերպիչներին, և ջերմ ողջույններ հղում Արցախի մեր քույրերին և եղբայրներին, որոնք այսօր իրենց հավաքական կամքով ու տոկունությամբ բոլորիս հույս, հավատ և հաղթելու վճռականություն են տալիս: Աստված պահապան մեր հրաշագեղ երկրին, և մեր պայքարող ժողովրդին:
1
2
3
4
5
1
3
5
2
