Ինչ իրավիճակ է Կութում

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Գյուղում խուճապ չկա, «Հրապարակի» հետ զրույցում ասաց Գեղարքունիքի մարզի Սոթք բնակավայրի վարչական ղեկավար Սևակ Խաչատրյանը։

Հիշեցնենք, որ այսօր՝ 06.00-ից Ադրբեջանի ԶՈՒ ստորաբաժանումները հրետանային և ականանետային միջոցներից կրակ են բացել Սոթքի ուղղությամբ տեղակայված հայկական դիրքերի ուղղությամբ։ Խաչատրյանը նշեց, որ չափազանց զբաղված է ու չի կարող խոսել, սակայն շեշտեց, որ գյուղի բնակիչները գյուղում են։

Կապ հաստատեցինք Գեղարքունիքի մարզի Վերին Շորժայի վարչական ղեկավար Արտյոմ Երանոսյանի հետ։ «Մեզ մոտ հանգիստ է, կրակոցներ չենք լսել»,-ասաց Երանոսյանը։ Գյուղում մարդիկ իրենց առօրյա գործերով են զբաղված։

Երանոսյանը մեր հարցին՝ թշնամու զորքերի տեղաշարժ սահմանին նկատվե՞լ է, ասաց, որ իրենց տեսանելիության դաշտից թշնամու զորքերի տեղաշարժը տեսանելի չէ։

Կութ գյուղի օպերատոր Ատոմ Ղարիբյանը տեղեկացրեց, որ թշնամու կողմից կրակոցներն իրենց գյուղում լսելի են դարձել այսօր առավոտյան 06.00-06.30-ի միջակայքում։ «Կրակում էին նաև հրետանուց, սկզբի չորս ժամն են ինտենսիվ կրակոցներ գնացել, բայց 10.30-ից հետո կրակոցները ավելի քիչ են դարձել։ Հիմա էլ լսում ենք, բայց մեկընդմեջ։ Կրակոցներ քիչ, բայց դեռ կան»,-տեղեկացրեց Ղարիբյանը։ 

Կութի բնակիչը նշեց, որ գյուղում խուճապ չկա, մարդիկ զգոն են, գյուղից մարդկանց տարհանելու նպատակ չկա։ Գյուղի ուղղությամբ կրակոցներ չեն հարձակվել։