«Մենք ենք մեր սարերը» գործակալությունը Արցախի ջերմատնային տնտեսությունների վերազինման ծրագիր է սկսում

Արցախի շրջափակումը ցույց տվեց, թե որքան կարևոր է պարենային անվտանգության ապահովումը և որքան անհրաժեշտ՝ պարենային ինքնաբավության ուղղությամբ աշխատանքների իրականացումը: Արցախում աշխատելու և գործընկերների հետ քննարկումների ընթացքում եկանք այն եզրակացության, որ պետք է վերազինել ջերմատները, որպեսզի նրանց արդյունավետությունը բարձրանա և կարողանան ավելացնել արտադրանքի ծավալները: Սա գյուղատնտեսության ամենակարևոր ուղղություններից մեկն է, որի զարգացումն իսկապես օգնելու է թե՛ պարենային անվտանգության ապահովմանը, թե՛ այս իրավիճակում Արցախում աշխատատեղերի պահպանմանն ու նորերի ստեղծմանը, թե՛ գյուղատնտեսության ոլորտի տնտեսավարողների համար բիզնեսի զարգացմանը: Հենց այդ նպատակով «Մենք ենք մեր սարերը» գործակալության կողմից մշակվեց Արցախի ջերմոցների վերազինման ծրագիրը: