Բրիտանուհին աշխատանքից ազատվել է «չափազանց գայթակղիչ» տեսքի համար (լուսանկարներ)
Աշխարհ
Լոնդոնի 24-ամյա բնակչուհի Էմմա Հալսը մինչև վերջերս աշխատում էր UNIT TV հեռուստաընկերությունում, սակայն երբ աղջիկը հերթական անգամ աշխատանքի է գնացել, հինգ րոպե անց նրան ուղարկել են տուն` ասելով, որ նա չափազանց լավ տեսք ունի, և ընկերությունն այլևս չունի նրա ծառայությունների կարիքը:
Bigpicture-ը գրում է, որ դրանից հետո Էմման խոսել է իր անմիջական ղեկավարի հետ: Աղջկա խոսքով` վերջինս հետաքրքրվել է` արդյոք ինքն ավելի վաղ չի աշխատել որպես մոդել, խնդրել է հեռախոսի համարն ու հրավիրել միասին խմելու:
«Շուրթերս ներկված էին, սակայն կարծում եմ, որ անպարկեշտ տեսք չեմ ունեցել: Այդ օրը վերնաշապիկ ու տաբատ էի հագել: Աշխատել եմ շատ այլ ընկերություններում, և ինձ երբեք տուն չեն ուղարկել արտաքին տեսքի համար: Դրանից բացի, եթե մարդիկ աշխատում են կրեատիվ ոլորտում, պետք է նրանց թույլ տալ կրել այն, ինչ ուզում են», - պատմել է աղջիկը:
UNIT TV հեռուստաընկերության տնօրեն Ադամ Լաքվելը հայտնել է, որ աղջիկն ազատվել է աշխատանքից երեք ամիս տևած փորձաշրջանից հետո։
«Մենք մի շարք բաներ ենք հայտնաբերել, որոնց հետ չենք կարողացել հաշտվել: Զգացել ենք, որ նրա որոշ արարքներ չեն համապատասխանում ընկերության քաղաքականությանը», - ասել է նա:
1
2
3
4
5
1
2
3
4
5
2
4
