Շաուրմայից թունավորվածների թիվը հասել է 101-ի, նրանցից 22-ը երեխաներ են
ՀասարակությունՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
ՌԴ Իրկուտսկի մարզի Բրատսկ քաղաքում շաուրմայից թունավորվածների թիվը հասել է 101-ի: Այս մասին իր թելեգրամյան ալիքում հայտնել է Իրկուտսկի մարզի նահանգապետ Իգոր Կոբզևը՝ նշելով, որ թունավորվածներից 22-ը երեխաներ են:
«Հոսպիտալացման կարիք է ունեցել 51 տուժած, բոլորն էլ լիարժեք օգնություն են ստացել։ Թունավորման ծանր դեպքեր չկան, տուժածներից յոթն արդեն դուրս ենէ գրվել հիվանդանոցից», — գրել է նա՝ հավելելով, որ մշտապես կապի մեջ է բժիշկների հետ։
Կոբզևի խոսքով՝ տարածաշրջանային «Ռոսպոտրեբնադզոր»-ի մասնագետները համաճարակաբանական հետազոտություն են անցկացրել։ Նրանք հայտնել են, որ սրճարանում խախտվել են ճաշատեսակների պատրաստման և մթերքների պահպանման պայմանները, այնտեղ պայմաններ չեն եղել աշխատողների անձնական հիգիենայի պահպանման համար։
Հիշեցնենք, որ վերջերս Իրկուտսկի մարզի Բրատսկ քաղաքում շաուրմայից զանգվածային թունավորման դեպքեր են արձանագրվել։ ՌԴ ՔԿ-ի տվյալներով՝ հարուցվել է քրեական գործ Ռուսաստանի Դաշնության Քրեական օրենսգրքի 238-րդ հոդվածի 1-ին մասով նախատեսված հանցագործության հատկանիշներով (անվտանգության պահանջներին չհամապատասխանող արտադրանքի արտադրություն, պահպանում, վաճառք):
Շաուրման մատուցած արագ սննդի սրճարանի սեփականատերը ձերբակալվել է, հաստատությունը՝ ժամանակավորապես փակվել։
1
2
3
4
5
1
3
5
1
3
4
5
