Տավուշում իրավապահների հատուկ օպերացիայի արդյունքում բաժին է տարվել Սյունիքի նախկին մարզպետի որդին

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Հունիսի 29-ին, Տավուշի Քրեական հետախուզության բաժնի ծառայողները Տավուշի մարզում իրականացրել են հատուկ օպերացիա:

Ինչպես հայտնում է shamshyan.com-ը, ոստիկանության Տավուշի մարզային վարչությունում տեղեկություններ են ստացվել, որ Ոսկեվան-Բաղանիս ավտոճանապարհով ընթացող Mercedes մակնիշի ավտոմեքենայում կասկածելի անձինք կան և ավտոմեքենայի մեջ հնարավոր է զենք-զինամթերք լինի:

Օպերատիվ խումբը մեկնել է նշված վայր, որտեղ նկատել են Mercedes մակնիշի ավտոմեքենան և կանգնեցնում այն: Նշված ավտոմեքենայում հայտնաբերվել է կրփազենք, իսկ բեռնախցիկում՝ փայտե մահակ և ավտոմեքենա, վարորդն ու ուղևորները տեղափոխվել են ոստիկանության Նոյեմբերյանի բաժին: 

Կայքի տեղեկություններով՝ ուղևորներից մեկը Սյունիքի մարզի բնակիչ 27-ամյա Տրդատ Խաչատրյանն է եղել, որը Սյունիքի նախկին մարզպետ «Լիսկա» մականվամբ Սուրիկ Խաչատրյանի որդին է, ում եղբայրը՝ Տիգրան Խաչատրյանը, գտնվում է հետախուզման մեջ:

Տ. Խաչատրյանը ոստիկաններին հայտնել է, որ ինքը աշխատում է «Կեղի գոլդ» ՍՊԸ-ում, որպես տնօրեն: 

Դեպքի փաստով Ոստիկանության Նոյեմբերյանի բաժնում նյութեր են նախապատրաստվել և այդ փաստաթղթերով Տ. Խաչատրյանը, Mercedes-ի վարորդ, Երևանի բնակիչ 42-ամյա Արմեն Մրտեյանը և մյուս ուղևոր, Վայոց ձորի մարզի բնակիչ 34-ամյա Նարեկ Բաբայանը ներկայացվել են Նոյեմբերյանի քննչական բաժին:

Ավելի վաղ հայտնել էինք, որ մամուլում շրջանառվող տեղեկությունների համաձայն՝ Սյունիքի նախկին մարզպետ Սուրիկ Խաչատրյանի (Լիսկա) մյուս որդու՝ Տիգրան Խաչատրյանի մասնակցությամբ Գորիսում միջադեպ էր տեղի ունեցել, հնչել էին կրակոցներ։

 Տիգրան Խաչատրյանի նկատմամբ հանրային քրեական հետապնդում էր հարուցվել և կալանավորելու միջնորդություն ներկայացվել, նա գտնվում է հետախուզման մեջ: