«Եթե ցանկանայի նստել իմ ընկերոջ ծնկներին, կնստեի»․ Անահիտ Սիմոնյանն արձագանքել է իր հասցեին հնչող քննադատություններին
LifeՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Երգչուհի Անահիտ Սիմոնյանը երեկվանից կրկին հայտնվել է օգտատերերի քննադատությունների կենտրոնում։ Բանն այն է, որ նրա մասնակցությամբ համացանցում տեսանյութ է տարածվել, որտեղ վերջինս զվարճանում է իր ընկերների հետ, որոնց թվում է ռեփեր Սուպեր Սաքոն։
Օգտատերերը երգչուհուն մեղադրում են տղամարդու ծնկներին նստելու, Սուպեր Սաքոյի հետ գրկախառնվելու համար:
Անդրադառնալով հնչող քննադատություններին՝ Անահիտ Սիմոնյանը «Ինստագրամ»-ի իր էջում հայտնել է, որ տեսանյութը հրապարակել է անձամբ ինքը, քանի որ այն, իր կարծիքով, զվարճալի է։ Նա նաև տեսանյութի մի հատվածից հրապարակել է դանդաղեցված կադրեր՝ ապացուցելու համար, որ նստած չէ որևէ մեկի ծնկներին:
«Չէի ցանկանում մեկնաբանել այս պատմությունը, բայց ստիպված եմ, քանի որ ես այն հանրային դեմքը չեմ, որի մասին լրատվամիջոցները գրում են ապատեղեկատվություններ և ներկայացնում այն լույսի ներքո, որն իրենց հարմար է, շատ հավանումներ են հավաքում»,- գրել է երգչուհին, այնուհետև հրապարակել տեսանյութի դանդաղեցված հատվածն ու հավելել․ «Սա ո՛չ արդարացում է, և ո՛չ էլ բացատրություն, այլ պարզապես ճշմարտությունն է, որը դուք չեք տեսնում, որովհետև ձեզ այդպես է հարմար՝ տեսնել այն, ինչը դուք ցանկանում եք տեսնել։ Ձեզ մանիպուլացնում են, և դուք տրվում եք նրան, ինչը ձեզ կերակրում են։ Այս հոլովակով ես ցանկանում եմ ասել հաջորդը՝ եթե ես ցանկանայի նստել իմ լավագույն ընկերոջ ծնկներին, ես կնստեի, և այդտեղ չկա ամոթալի ոչ մի բան, բայց ես նստում եմ նրա կողքին, և սա ապացույց է, որ լրատվամիջոցները ցանկանում են լայքեր հավաքել»։
Նա նաև մեկնաբանել է տեսանյութի երկրորդ հատվածը, որտեղ պարում է Սուպեր Սաքոյի հետ:
«Ես իմ գործընկերոջ՝ Սաքոյի հետ ընկերություն եմ անում արդեն երկար տարիներ, և այդ տեսանյութը ես էի հրապարակել, քանի որ այդ պահին այն ինձ թվաց զվարճալի, և մեր նկարը դարձել էր կարճ տեսանյութ, ինչ կա՞ նրանում, որ մենք միասին լուսանկարվել ենք։ Գրեք ինձ, խոսենք այդ մասին, կամ էլ ձեզ դուր չէր եկել իմ հագուստը։ Եթե ձեզ դուր չի եկել, թե ինչպես եմ ես հագնվում, դա միայն ձեր խնդիրն է։ Ես պարտավոր չեմ հագնվել կամ ինձ պահել այնպես, ինչպես դուք եք ցանկանում, ես ձեզ նույնիսկ չեմ ճանաչում և չեմ էլ ուզում ճանաչել։ Սա վերաբերում է այն մարդկանց, ովքեր իմ հասցեին ոչ պարկեշտ խոսքեր են գրում։ Համակերպվեք արդեն, որ յուրաքանչյուրը կարող է ապրել իր կյանքով, հագնվել այնպես ինչպես ցանկանում է, շփվել այն մարդկանց հետ, ում հետ ցանկանում է։ Սովորեք ապրել ձեր կյանքով, մի խառնվեք ուրիշի կյանքին, ընտանիքին, ճակատագրին, դա մեծ մեղք է»։
Սիմոնյանը նաև ընդգծել է՝ ինքն այն աղջիկն է, ով իրավունք ունի ապրել իր կյանքով, իսկ ծածկված լինել փարաջայով, թե առանց դրա, մերկ, թե հագուստով, իր ընտրությունն է։
Նա նկատել է, որ նույն վերաբերմունքը որոշ մարդիկ փորձում են ցուցաբերել նաև իր տղայի նկատմամբ:
«Նույնը դուք ցուցաբերում եք իմ տղայի նկատմամբ․ ինչո՞ւ է հագուստը լայն, ոչ թե կլասիկ, մազերը երկար, և այլն։ Ես արդեն իմունիտետ ունեմ ձեր նկատմամբ, իսկ տղաս՝ ոչ։ Իսկ այս ամենը խոսում է ձեր անդաստիարակության մասին։ Եթե դուք սահմանափակում եք ձեր երեխայի իրավունքները, ապա դա ձեր իրավունքն է, ես չեմ միջամտում, իսկ իմ տղան հագնելու է այն, ինչ ինքն է ցանկանում։ Ես սահմաններ նրա առջև չեմ դնում։ Վերջ»։
Վերջինս նաև տեղադրել է սքրինշոթեր՝ հայտնելով, որ իր փաստաբանը զբաղվելու է նման հրապարակումներով։