Գեներալ Բալասանյանը հայտնել է ադրբեջանական սահմանամերձ գյուղերի զանգվածային դատարկման մասին
Աշխարհ
Ադրբեջանական գյուղերը, որոնք սահմանակից են Մարտակերտի շրջանին, գրեթե ամբողջովին դատարկվել են: Բնակիչները զանգվածաբար լքում են սահմանային բնակավայրերը: Այս մասին «Նովոստի Արմենիայի» թղթակցի հետ զրույցում ասել է Արցախի Հանրապետության անվտանգության խորհրդի քարտուղար Վիտալի Բալասանյանը: Բալասանյանը հայտնել է, որ երեկ եղել է Թալիշի և Մատաղիսի այն դիրքերում, որոնք ապրիլին զավթվել էին հակառակորդի կողմից:
«Ամբողջ օրն այնտեղ եմ անցկացրել, ոչ մի կրակոց չեմ լսել: Դիրքերում հանգիստ է, զինծառայողները լավ տրամադրություն ունեն: Հակառակորդի կողմում որևէ տեղաշարժ չի նկատվել: Գյուղերում արված ուսումնասիրությունները ցույց են տվել, որ այնտեղ գրեթե ոչ ոք չի բնակվում: Չէի ասի, թե Ադրբեջանի իշխանություններն են կազմակերպել այդ ամենը: Սակայն դա է ադրբեջանական իշխանությունների իրական ձեռագիրը. նրանք չեն խղճում սեփական ժողովրդին», ‐ ընդգծել է նա:
Բալասանյանը նշել է, որ Թալիշում և Մարտակերտի շրջանի մյուս գյուղերում իրավիճակը հանգիստ է, աշխատում են դպրոցներն ու մանկապարտեզները:
1
2
3
4
5
1
2
4
5
1
2
3
4
5
