Ողբերգական ավտովթար. կա 1 զոհ, 2 վիրավոր
ՀասարակությունՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Երեկ՝ սեպտեմբերի 4-ին, ողբերգական ավտովթար է տեղի ունեցել Արմավիրի մարզում։ Ժամը 22։50-ի սահմաններում Երևան-Արմավիր ավտոճանապարհի Մրգաշատ գյուղի վարչական տարածքում բախվել են Արմավիրի մարզի բնակիչներ 41-ամյա Արթուր Մարգարյանի վարած Mercedes մակնիշի և 36-ամյա Արարատ Պետրոսյանի վարած ВАЗ 211440 մակնիշի ավտոմեքենաները։
Shamshyan.com-ի փոխանցմամբ՝ վթարի հետևանքով Ա․ Պետրոսյանը տեղում մահացել է, իսկ վերջինիս ուղևոր, Արմավիրի մարզի բնակիչ, 29-ամյա Վիլգեն Պետրոսյանն ու Mercedes-ի վարորդ Ա․ Մարգարյանը մարմնական վնասվածքներով տեղափոխվել են «Արմավիր» բժշկական կենտրոն։
Օպերատիվորեն դեպքի վայր են ժամանել ՀՀ Ներքին գործերի նախարարության Փրկարար ծառայության Արմավիրի մարզի թիվ 27 հրշեջ-փրկարարական ջոկատից 1 մարտական հաշվարկ։
Հրշեջ-փրկարարները Лада-ի միջից դուրս են բերել վիրավորին՝ օգտագործելով հատուկ տեխնիկա և պատգարակով մոտեցրել են օպերատիվորեն ժամանած շտապօգնության ավտոմեքենային։
Դեպքի վայր են ժամանել ՀՀ ՆԳՆ Ոստիկանության Արմավիրի մարզային վարչության պետ Արթուր Բդոյանը, վարչության պետի օպերատիվ գծով տեղակալ Հովհաննես Արիստակեսյանն ու Ոստիկանության Մեծամորի բաժնի պետ Սամվել Խմելյանը։
Քննիչի հանձնարարականով ավտոմեքենաները տեղափոխվել են Ոստիկանության Մեծամորի բաժնի պահպանվող հատուկ տարածք։
1
2
3
4
5
1
3
5
1
3
4
5
