4 հոգով տանտիրոջը ծեծել են, տարել Նուբարաշենի գերեզմանատան մոտ, դանակահարել ու այդպես թողնելով հեռացել
ՀասարակությունՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Սեպտեմբերի 5-ին, ժամը 1.40-ին շտապօգնության ենթակայանից ոստիկանության Էրեբունի բաժին ստացվել էր հաղորդում, որ կանչով մեկնել են Նուբարաշենի գերեզմանների մոտ, որտեղ փողոցում գլխի վնասվածքով ընկած տղամարդ կար:
Ոստիկանությունից հայտնում են, որ մոտ կես ժամ անց միայն հաղորդում էր ստացվել հիվանդանոցից. Կրծքավանդակի ծակած-կտրած թափանցող վերք, թոքի վնասվածք, բազմաթիվ այլ վերքեր եւ սալջարդ ախտորոշշմամբ հիվանդանոց է տեղափոխվել Նոր Խարբերդի բնակիչ 39-ամյա մի տղամարդ:
Նա ի վիճակի չի եղել բացատրություն տալու:
Ոստիկանները պարզել են, որ տղամարդը վնասվածքներն ստացել է հենց Նոր Խարբերդում՝ անհայտ անձի հետ տանը ծագած վիճաբանության ժամանակ:
Օրեր անց պարզվել է, որ սեպտեմբերի 5-ի կեսգիշերին Երեւանի Ավանի Դուրյան թաղամասի բնակիչ 44-ամյա մի տղամարդ երեք ընկերների հետ Կոտայքի Մրգաշեն գյուղի բնակիչ 33-ամյա տղամարդու «Ռենո» մակնիշի ավտոմեքենայով գնացել են Նոր Խարբերդ: Տուժածի տանը վիճաբանության ժամանակ տանտիրոջը ծեծի են ենթարկել, այնուհետեւ իր կամքին հակառակ տեղափոխել Նուբարաշենի գերեզմանատան մոտ:
Ճանապարհին մեքենայում տուժածը հայհոյանքներ է հնչեցրել նրանց հասցեին, վիճաբանությունը շարունակվել է գերեզմանոցի մոտ, որտեղ էլ մրգաշենցի տղամարդը դանակով հարվածներ է հասցրել տուժածին: Նրանա այդ վիճակում թողնելով 4-ն էլ հեռացել են:
Այս ամենը պարզելուց հետո երեւանցին ու մրգաշենցին հայտնաբերվել են եւ ձերբակալվել:
Մանրամասները՝ տեսանյութում:
1
2
3
4
5
1
3
5
1
3
4
5
