Անհրաժեշտ է 33 ձայն. թեկնածուներից ով կարող է դառնալ Երևանի քաղաքապետ և ինչպես

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Ինչպես հայտնի է, Երևանի ավագանու ընտրություններում որևէ կուսակցության չի հաջողվել 50+ տոկոս ձայն հավաքել։

Ավագանու կազմում առկա 65 տեղի համար պայքարող 14 քաղաքական ուժերից 5-ին է հաջողվել հաղթահարել անցողիկ շեմը, և, խիստ նախնական տվյալներով, մանդատների բաշխումը կկայանա հետևյալ տեսքով.

«Քաղաքացիական պայմանագիր» - 32․57% կամ 24 մանդատ

«Ազգային առաջընթաց» - 18․89% կամ 14 մանդատ

«Մայր Հայաստան» դաշինք - 15.43% կամ 12 մանդատ

«Հանրապետություն» - 11.32% կամ 8 մանդատ

«Հանրային ձայն»- 9,68% կամ 7 մանդատ

Սա նշանակում է՝ 65 հոգանոց ավագանիում թեկնածուներից ով կարողացավ ստանալ 33+ ձայնի աջակցություն, նա էլ կդառնա Երևանի 14-րդ քաղաքապետը։

Հավանական կոալիցիաները կարող են լինել «Քաղաքացիական պայմանագիր» + «Հանրապետություն» կամ «Ազգային առաջընթաց» + «Մայր Հայաստան» +«Հանրային ձայն» տարբերակներով:

Առայժմ այս տարբերակների պաշտոնական հաստատում չի արել ոչ մի ուժ, միայն «Հանրային ձայն» կուսակցության առաջնորդ Վարդան Ղուկասյանն է հրապարակային առաջարկ արել կոալիցիա կազմելու մասին, սակայն՝ իր պայմաններով: