Ալիկ Սարգսյանը՝ «աղջկա թեմայով » ծեծի մասին
Բաց մի թողեք
Ըստ մամուլում եղած տեղեկությունների` Արարատի մարզում ՀՀԿ ռեյտինգային ընտրակարգով առաջադրված թեկնածուներ Արայիկ Գրիգորյանի և Ալիկ Սարգսյանի կողմնակիցների միջեւ ծեծկռտուք եւ բախումն է տեղի ունեցել: Aravot.am-ի հետ զրույցում ՀՀԿ Արարատի տարածքային կառույցի ղեկավար Ալիկ Սարգսյանը նշեց, որ չի հասկանում, թե ի՞նչ է նշանակում «իր եւ Արայիկ Գրիգորյանի կողմնակիցների միջեւ բախում» արտահայտությունը: «Դա ինձ ծանոթ վերնագիր չէ,. որովհետեւ ես չգիտեմ՝ տվյալ մարդը, որի հետ վիճաբանել է իմ վարորդի տղան՝ ինչ-որ աղջկա հետ կապված, որը նրա բարեկամն է, ինչու է այդպես պարզաբանել: Նա եկել է հետեւից էն պահին, երբ վարորդիս տղան եկել էր իմ հետեւից կուսակցության գրասենյակ, դուրս է հրավիրել, վիճաբանություն, ծեծկռտուքն այդտեղ է եղել, ի՞նչ կապ ունի դրա հետ Արայիկ Գրիգորյանը կամ ես»,- նեղսրտեց Ալիկ Սարգսյանը: Նաեւ հավելեց. «Չեմ էլ տեսել, թե այդ տղան ո՞վ է եւ ինձ չի էլ հետաքրքրում: 100 % անձնական հարց է, ջահել տղերք են, իրար հետ պարզաբանել են այդ եղանակով: Ես ինչո՞վ դա բերեմ կապեմ Արայիկ Գրիգորյանի անվան հետ կամ չգիտեմ՝ ում հետ»: Նա մի քանի անգամ շեշտեց, որ կատարվածը ընտրությունների հետ կապ չունի, ՀՀԿ-ի հետ՝ նույնպես. «Աղջկա թեմա է, երկու ջահել տղերք իրար հետ վիճել են, ես ի՞նչ կապ ունեմ դրա հետ»: Մյուս ՀՀԿ-ականի՝ Արայիկ Գրիգորյանի հետ կապվել չհաջողվեց:
1
2
3
4
5
1
2
3
4
5
1
3
4
