ԱԺ-ն վավերացրեց Հռոմի ստատուտը
ՀասարակությունՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
ԱԺ-ն քննարկել և քվեարկության է դրել 1998 թվականի հուլիսի 17-ին ստորագրված՝ Միջազգային քրեական դատարանի Հռոմի կանոնադրությունը վավերացնելու, և կանոնադրության 12-րդ հոդվածի 3-րդ մասի համաձայն՝ «Միջազգային քրեական դատարանի իրավազորությունը հետադարձորեն ճանաչելու մասին» հայտարարություն ընդունելու մասին նախագիծը:
Կողմ 60, դեմ 22, 0 ձեռնպահ ձայներով նախագիծն ընդունվել է:
Քվեարկությունից հետո «Հայաստան» խմբակցության քարտուղար Արծվիկ Մինասյանը նշեց, որ Հռոմի ստատուտի վավերացմամբ ՀՀ ԱԺ–ն գերազանցեց իր լիազորությունները։ Ի պատասխան, ՀՀ ԱԺ «Քաղաքացիական պայմանագիր» խմբակցության պատգամավոր Վլադիմիր Վարդանյանն ասաց, որ ՀՀ ԱԺ–ն չի կարող կասկածի տակ դնել ՀՀ սահմանադրական դատարանի որոշումը, ըստ որի` Հռոմի ստատուտը չի հակասում ՀՀ սահմանադրությանը։
Ազգային ժողովի կողմից վավերացման դեպքում Հռոմի ստատուտն ուժի մեջ կմտնի 60-օրյա ժամկետում՝ ասաց Միջազգային իրավական հարցերով ներկայացուցիչ Եղիշե Կիրակոսյանը՝ ներկայացնելով նախագիծը:
Ավելի վաղ Սահմանադրական դատարանը ճանաչել է Սահմանադրությանը համապատասխանող 1998 թվականի հուլիսի 17-ին ստորագրված՝ Միջազգային քրեական դատարանի Հռոմի կանոնադրությունում ամրագրված պարտավորությունները։
2022 թվականին այս հարցով Սահմանադրական դատարան է դիմել Կառավարությունը։ Կառավարությունը կրկին վերադարձել է Հռոմի կանոնադրության ճանաչման հարցին, քանի որ, ըստ այս նախագծի հիմնավորման, հնարավորություն են տեսնում Ադրբեջանին պատասխանատվության կանչելու:
1
2
3
4
5
1
2
4
5
1
2
3
4
5
