Ադրբեջանը չի կարող տարածքային պահանջներ ունենալ Հայաստանից. ինչ հայտարարություններ է արել Շառլ Միշելը Գրանադայում
ՀասարակությունՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Եվրոպական խորհրդի ղեկավար Շառլ Միշելն Ադրբեջանի նախագահ Իլհամ Ալիևի հետ վերջին զրույցում ասել է, որ Բաքուն չի չի կարող տարածքային պահանջներ ունենալ Հայաստանի դեմ և պահանջել է երաշխավորել Բաքվի և Երևանի կողմից իրենց տարածքային ամբողջականության փոխադարձ ճանաչումը։
Այս մասին հայտարարել է Շառլ Միշելը՝ Գրանադայում (Իսպանիա) Եվրոպական քաղաքական համայնքի պետությունների և կառավարությունների ղեկավարների գագաթնաժողովին ժամանելուն պես:
«Ես երկու օր առաջ խոսեցի նախագահ Ալիևի հետ և հստակ ասացի նրան, որ նա չի կարող տարածքային պահանջներ ունենալ Հայաստանից: Սա պետք է բարձրաձայն ասվի և ապահովվի Հայաստանի և Ադրբեջանի տարածքային ամբողջականության փոխադարձ ճանաչումը»,- ասել է նա
«Ես մտադիր չեմ մեկնաբանել Ալիևի՝ այստեղ հրապարակավ Գրանադա չգալու որոշումը, ես անձամբ նրան կասեմ, թե ինչ եմ մտածում այդ մասին»,- հավելել է Միշելը։
ԵՄ միջնորդությունը Հայաստանի և Ադրբեջանի միջև ուղղված է Եվրամիության շահերի պաշտպանությանը և Կովկասում եվրոպական արժեքների առաջմղմանը:
«Մինչև մենք չսկսեցինք այս միջնորդությունը, մենք առանձնապես ակտիվ չէինք Կովկասում: Եվրամիության այս միջնորդական ջանքերը նշանակում են, որ մենք պաշտպանում ենք մեր շահերը, մենք քարոզում ենք մեր արժեքները այս տարածաշրջանում», - աել է Միշելը։
Հիշեցնենք՝ ՀՀ վարչապետը մեկնել է Գրանադա: Այնտեղ հոկտեմբերի 5-ին նախատեսված էր հնգակողմ հանդիպում Նիկոլ Փաշինյանի, Ադրբեջանի նախագահ Իլհամ Ալիևի, ԵՄ, Ֆրանսիայի և Գերմանիայի առաջնորդների մասնակցությամբ:
Երեկ հայտնի դարձավ, որ Ադրբեջանի նախագահ Իլհամ Ալիևը հրաժարվել է մեկնել Իսպանիա, որտեղ նախատեսվում էր հնգակողմ հանդիպումը:
1
2
3
4
5
1
2
4
5
1
2
3
4
5
