Մարիխուանան ուզում են օրինականացնել․ բախումներ Վրաստանում
Աշխարհ
Վրաստանի արեւմուտքում Սամթրեդիա քաղաքում բախումներ են եղել մարիխուանայի օրինականացման կողմնակիցների ու ոստիկանների միջեւ, հայտնում է «Ազատություն ռադիոկայանը»:
Երիտասարդները բողոքի ակցիա էին կազմակերպել 22-ամյա Դեմիր Ստուրուայի ինքնասպանության կապակցությամբ, որը մահառաջի գրությունում հայտնել էր, որ ինքնասպան է եղել իրավապահ մարմինների ճնշման պատճառով: Ցուցարարները պայթեցրել էին ձայնային նռնակներ ու ծխանռնակներ, նաեւ ոստիկանների մեքենաները սպիտակ գույն ներկել:
Բախումները սկսվել էին, երբ իրավապահները փորձել են խանգարել ցուցարարներին: «Ազատություն» ռադիոկայանի տեղեկություններով ձերբակալվել է բողոքի ակցիայի միայն մեկ մասնակից: Քրեական գործը հարուցվել է «ուրիշի ունեցվածքը փչացնելու» հոդվածով:
Մարտին Վրաստանի խորհրդարանը մերժել է փոքր ծավալներով մարիխուանա օգտագործելու, ձեռք բերելու ու պահելու համար ազատազրկումը չեղարկելու մասին օրինագիծը: Թեթեւ թմրանյութեր օգտագործելու համար պատասխանատվությունը մեղմացնելու մասին փոփոխությունների նախաձեռնողը Վրաստանի նախկին նախագահ Միխայիլ Սահակաշվիլու համախոհ Գոգա Խաչիձեն էր:
1
2
3
4
5
2
3
5
1
2
3
4
5
