Մեկ լուսանկարով հետաքննությունից մինչև նոր ծառայություններ՝ զրույց դետեկտիվի հետ

19-րդ դարի կեսերից առանց դետեկտիվի ծառայությունների Եվրոպան ու Ամերիկան դժվար էր պատկերացնել: Ամենախոցելի իրավիճակներում մարդիկ նախընտրում էին դիմել հենց այդ մասնագետներին. աղմուկն ու ճանաչելիությունը փոքր էր, արդյունքը՝ մեծ:

Ինչ պատմություններ կան, ասենք, հենց ամերիկյան Պինկերտոն դետեկտիվ գործակալության մասին: Ալան Պինկերտոնն իր դետեկտիվներով ապահովել է ԱՄՆ նախագահ Աբրահամ Լինքոլնի անվտանգությունը և կանխել նրա հանդեպ նախատեսվող մահափորձը գնացքով Մերիլենդից Վաշինգտոն մեկնելու ճանապարհին: Ասում ենք, որ հենց Պինկերտոնի ծառայություններից հրաժարվելուց մեկ տարի անց Աբրահամ Լինկոլնը սպանվեց թատրոնի օթյակում:

Արդեն երկու տարի է  համացանցում դետեկտիվ բառով որոնման ժամանակ Հայաստանն  իր ուրույն տեղն ունի  Գաբրիելյան ընդ փարթներս դետեկտիվ բյուրոյի շնորհիվ:

Հայաստանում դետեկտիվ գործունեության մասին

Հայաստանում թյուր կարծիք կա, թե դետեկտիվի գործունեությունը մեր երկրում արգելված է: Այնինչ, օրենսդրությամբ կարգավորված է մասնավոր  անվտանգության ծառայությունների գործունեությունը, իսկ բիզնեսի տեսակների գրադացիայում անվտանգության ծառայությունների թվում նշվում է նաև հետաքննությունների իրականացումը:

Այսօր Գաբրիելյան և փարթներս դետեկտիվ բյուրոն աշխատում է գործող օրենասդրության շրջանակում և գործուն մասնակցություն բերում մասնավոր դետեկտիվ  գործունեության  կարգավորմանը  միտված օրենսդրության մշակմանը:

Բյուրոն միակն է  տարածաշրջանում/Անդրկովկաս և Միջին Ասիա/ և հանդիսանում է Դետեկտիվների համաշխարհային ասոցիացիայի, դետեկտիվների միջազգային և տարածաշրջանային ասոցիացիների անդամ, համագործակցումէ  հայտնի դետեկտիվ բյուրոների հետ:

Դետեկտիվի ընկալման մասին

Դետեկտիվին  Հայաստանում ընդունում են հետաքրքրությամբ և զգուշավորությամբ: 

Չգիտես ինչու, երբ ինչ-որ միջոցառումների եմ մասնակցում, բոլորին թվում է, թե իրենք կարող են լինել իմ թիրախում, պատվիրված լինեն ու մոռանում են, որ մենք էլ կարող ենք հանգստանալ՝ ժպիտով նշում է Բյուրոյի հիմնադիր Հայկ Գաբրիելյանը: 

Զգուշավորությանը հաջորդում է զարմանքը՝ պենսնեով, ծխամորճով ու խոշորացույցով Շերլոկ Հոլմսի կամ Պուարոյի փոխարեն նրանք տեսնում են իրենցից ոչնչով չտարբերվող մարդ, որն, երբեք ի ցույց չի դնում իր աշխատանքային ժամանակակից գործիքները:

Դետեկտիվի և ոստիկանների մասին

Դետեկտիվն ու ոստիկանը նույն շղթայի՝ իրավապահ համակարգի տարբեր օղակներն են: Դետեկտիվը միջազգային պրակտիկայում, կարող է իրականացնել քաղաքացիական ձերբակալություն՝ ձերբակալվածին այնուհետև հանձնելով ոստիկաններին, կրում է ծառայողական զենք, հանրային վայրերում կարող է իրականացնել գաղտնալսում, տեսաձայնագրում, լուսանկարահանում:

Հայթայթված տեղեկատվությունը, եթե պարունակում է հանցագործության մասին տեղեկություններ ՝ անհապաղ փոխանցվում է իրավապահ մարմիններին, որոնք և գործը հասցնում են տրամաբանական ավարտին:

Հայկ Գաբրիելյանի խոսքերով, Գաբրիելյան ընդ փարթներս դետեկտիվ բյուրոյի կողմից  Հայաստանում արդեն իսկ կիրառվում է վերը նշված համագործակցության և գործընկերության մշակույթը:  

Հետաքննություն մեկ լուսանկարով

Նույնիսկ պատառոտած, խամրած լուսանկարով դետեկտիվները բացահայտումներ կարող են լինել միայն ֆիլմերում: 

Իրական կյանքում անհրաժեշտ է որակյալ ու գոնե տեղանքային ինչ-որ մանրամասներ պարունակող լուսանկար, կամ հավելյալ տեղեկատվություն՝ սոցցանցերում գոնե մեկ օգտահաշիվ, հեռախոսահամարի մի քանի թիվը:

Եթե դրան գումարենք մարդկանց ու կազմակերպությունների թվային հետքերը, ապա բացահայտման հավանականությունը դառնում է համարյա հարյուր տոկոս: Դետեկտիվի հաջողության ամենակարևոր գրավականներից է առկա թեկուզ աննշան թվացող տեղեկություններից քամել ապացույցներ: Հետաքննել նշանակում է գտնել պատճառա-հետևանքային  կապերը, այլ ոչ թե հնարել դրանք:

Տնտեսական հանցագործությունների մասին

Համացանցի զարգացումը հանգեցրեց նաև թվային տիրույթում տնտեսական հանցագործությունների աճի. ասենք, ֆինանսական խարդախությունների, բանկային հաշիվներից գումարների կորզման մասին գիտենք բոլորս:

Բայց դա չի նշանակում, որ իրական կյանքում հանցագործություններ այլև չեն կատարվում:

Վերջերս Գաբրիելյան և փարթներս դետեկտիվ բյուրոն արտասահմանյան գործընկերների հետ հետաքննել է եվրոպական հայտնի ընկերություններից մեկից միջին արևելյան երկրների  քաղաքացու կողմից խոշոր չափի գումար կորզելու դեպք. Անձը հայտնաբերվել է, հավաքագրվել են փաստեր, որոնք փոխանցել ենք պատվիրատուի երկրի իրավապահ մարմիններին՝ դատաիրավական գործընթաց սկսելու համար:

Այժմ Բյուրոն ակտիվ  մասնակցություն ունի Հայաստանում կեղծ լիազորագրերով երրորդ անձանցից անշարժ գույքի սեփականությունից զրկելու դեպքերի քննմանը: Փակագծեր չեմ բացի, բայց հետաքննության ավարտին մեզ սպասում են շատ հետաքրքիր բացահայտումներ՝ ասում է Հայկը:

Դետեկտիվը 10 տարի հետո.

Տասը տարի հետո, երբ մասնագիտությունների մեծ մասը մահանալու է արհեստական բանականության զարգացման պատճառով, դետեկտիվը լինելու է եզակի պահանջված մասնագիտություններից: Պահանջարկը մնալու է, քանի դեռ կա մարդ ու կազմակերպություն, ու կա նրանց հետքը համացանցում ու առօրյա կյանքում:

Փոխվելու է գործիքակազմը, մեքենային փոխարինելու են թռչող մեքենաները,սակայն  նույնն է մնալու մեր աշխատանքի կարգախոսը՝ հանուն, այլ ոչ ընդդեմ: 

Դետեկտիվի մասնագիտությունը կվերանա միայն այն ժամանակ, երբ կդադարեն գոյություն ունենալ մարդկային փախհարաբերությունները: